Amalunga edale lephalamende athi kumele abaphathintambo bakahulumende abehluleka ukuzephendula imbuzo eqakathekileyo edale leli bajeziswe ngokuqunyelwa iholo kumbe basuswe ezikhundleni.
Amalunga ahlangane ngoLwesibili edale leli kulandela ukuvala kwabo ngoMpandula, athe lokhu okwenziwa yiziphathamandla zikahulumende kutshengisa ukuthi bayadelela.
Lokhu kuphume ngesikhathi behlafuna isihloko sendaba – imotion – eyefakwa nguMnu. Amadu Silulu omele isilobela edale lephalamende ulandela ukukhonona ngendlela abaphathintambo laba abaziphethe ngayo.
Umnu. Thandeko Zinti Mnkandla omele iGwanda North edale lephalamende uthi amalunga la afisa ukuthi uMongameli Robert Mugabe kanye lenhloko kahulumende uMnu. Morgan Tsvangirai bajezise iziphathamandla ezingayi kulelidale ukuyaphendula imbuzo.
Umnu. Mnkandla uthe kucatshangelwa ukuthi iziphathamandla lezi zingaguqula izenzo zazo nxa zingaqunyelwa iholo.
Uthi nxa lokhu kungehlula kuzamele ukuthi zixotshwe umsebenzi.
Iziphathamandla zikahulumende zihola inkulungwane zamadollar eMelika – $1,000 ngenyanga lama allowances angafika amakhulu amahlanu amadollar - $500.
Kukhangelelwe ukuthi idale le phalamende lele Senate azahlafuna okutshiyeneyo okunjengemzamo kahulumende yokuvuselela iZimbabwe Iron and Steel Company eyethengwa yi nkampani yama Ndiya, iEssar Africa Holdings.
Okunye okuzahlolisiswa luhlelo lokunika abalimi inhlanyelo lokokulimisa olwe Farm Mechanization Program olwaluqhutshwa libhanga le Reserve Bank of Zimbabwe kungakabunjwa uhulumende womanyano.
Amalunga ahlangane ngoLwesibili edale leli kulandela ukuvala kwabo ngoMpandula, athe lokhu okwenziwa yiziphathamandla zikahulumende kutshengisa ukuthi bayadelela.
Lokhu kuphume ngesikhathi behlafuna isihloko sendaba – imotion – eyefakwa nguMnu. Amadu Silulu omele isilobela edale lephalamende ulandela ukukhonona ngendlela abaphathintambo laba abaziphethe ngayo.
Umnu. Thandeko Zinti Mnkandla omele iGwanda North edale lephalamende uthi amalunga la afisa ukuthi uMongameli Robert Mugabe kanye lenhloko kahulumende uMnu. Morgan Tsvangirai bajezise iziphathamandla ezingayi kulelidale ukuyaphendula imbuzo.
Umnu. Mnkandla uthe kucatshangelwa ukuthi iziphathamandla lezi zingaguqula izenzo zazo nxa zingaqunyelwa iholo.
Uthi nxa lokhu kungehlula kuzamele ukuthi zixotshwe umsebenzi.
Iziphathamandla zikahulumende zihola inkulungwane zamadollar eMelika – $1,000 ngenyanga lama allowances angafika amakhulu amahlanu amadollar - $500.
Kukhangelelwe ukuthi idale le phalamende lele Senate azahlafuna okutshiyeneyo okunjengemzamo kahulumende yokuvuselela iZimbabwe Iron and Steel Company eyethengwa yi nkampani yama Ndiya, iEssar Africa Holdings.
Okunye okuzahlolisiswa luhlelo lokunika abalimi inhlanyelo lokokulimisa olwe Farm Mechanization Program olwaluqhutshwa libhanga le Reserve Bank of Zimbabwe kungakabunjwa uhulumende womanyano.
