Izizalwane zeZimbabwe zithi sezidubeke kakhulu ngakho sesifikile isikhathi sokuthi zizikhulule kubuncindezeli bezombusazwe lakwezenotho.
Zithi konke lokhu kumele kwenziwe ngokutshengisela ezitaladini uhulumende aze aphume embusweni.
Abantu makhaza bathi sebekhathele ngokuswela imisebenzi okwenza behluleke ukuphandela imuli.
Bathi sesifikile isikhathi sokuthi bakhiphe uhulumende kaMongameli Robert Mugabe embusweni ngoba umbuso wakhe ungasi wentando kazulu.
Bathi ukugugudeka komnotho kutshengisa ukuthi uhulumende akalamandla okuguqula okwenzakala elizweni.
Umnu israel moyo yingcwethi kwezombusazwe ezimele yodwa. Umoyo uthi kodwa lokhu kumele kwenziwe ngonanzelelo olukhulu.
UMoyo uthi okwephula inhliziyo yikuthi labo okumele bancedise uzulu ekukhiphini uhulumende obusayo embusweni balwisana bodwa.
UNkosikazi Jennie Williams wenhlanganiso yeWomen of Zimbabwe Arise uthi uzulu kazilwele ukuze kuphele ukuhlupheka elizweni.
Uthi akumelanga ukuthi abantu bacabange ukuthi bazakhululwa ngabanye.
Kodwa ke uMnu. Joseph Tshuma okudale leCentral Committee kubandla le Zanu PF uthi akulunganga ukuzama ukukhipha uhulumende esikhundleni ngodlame.
Uphinde wathi kumele abantu bahlale phansi balungise konke okuhluphayo eZimbabwe.
Abantu abanengi bathi umnyaka ozayo uzaphela nzima nxa ibandla leZanu PF lilokhe lisehluleka ukususa. Abadala bathi sizayicela isivuthiwe.