HARARE —
Uzulu weZimbabwe uqalise ukuvota ngoLwesithathu ekuseni elizweni lonke kulendwendwe endaweni ezinengi zeHarare ezifana lemzini we Mbare kodwa kulabantu abalutshwana endaweni ezifana lemzini we Hatfield.
Ukhetho lulandele okwenzakale ngesikhathi seReferendum emzini we Hatfield eHarare, abantu besenelisa ukuvota ngokuthula .
Indawo zokuvotela ezifana le Waterfalls Primary le Lord Malven School zivulwe ngesikhathi abantu benelisa ukuphathiswa ngokuphangisa kwehlisa indwende zabantu abaphakathi kwabangamatshumi amathathu kulesi sikolo abenelise ukuvukela kubanda ekuseni ukuze benelise ukuvota kusese lesikhathi.
Esikolo se Lord Malven khona abantu bamiswe kundwendwe ezimbili ezilabantu abafika kwabangamatshumi amabili sikhathi sinye bephathiswa ngokuphangisa kungela nkinga njalo kuqathaniswa abantu ngamabala akuqala amabizo abo eyinto eyenze ukuba indwende ziphele ngokuphangisa.
Umumo ube ngofanayo kutende lokuvotela emavinkilini awe Uplands Shops lakupulazi lakwa Irvines abantu bebuya santando bekhetha bephinde bebuyele ezindlini zabo kungela nkinga.
Izisebenzi eziphathisa kukhetho zithi ukhetho lusuke ekuseni luhamba ngemfanelo abantu belandela okudingakalayo njalo bengazisi ngecele abalisekelayo kumbe ukufuna ukukhuthaza abanye ukuthi bevotele kuliphi icele kumbe ukugqoka izikipa zamabandla abo.
Ngesikhathi sifika endaweni yokuvotela yetende ezitolo ze Caldon Shops ngezikhathi zokudla kwemini inani labantu beselehlile kulinganiswa labenelisa ukukhetha ngezikhathi zekuseni ngokutsho kwabaphathisa uzulu kulindawo.
Umumo uhambe kahle eHoughton Park kulandela okwenzakala ngesikhathi se Referendum kulenani labantu elengezelelweyo kancane njalo kungela nkinga noma salelwe ukubuza abantu ngokhetho kulindawo.
Umuzi we Mbare ongumango ongatsholuthu kusukela kulindawo wona ube labantu abanengi kundwendwe ezinde kuhambelana njalo lokwenzakala ngesikhathi sokhetho lwe Referendum.
Abahlola ukhetho bakwamanye amazwe lenhlanganiso ezifana leSadc bebezulazula bephosa ilihlo lapha lalayaphaya kundlela ukhetho oluhamba ngayo.
Ukhetho lulandele okwenzakale ngesikhathi seReferendum emzini we Hatfield eHarare, abantu besenelisa ukuvota ngokuthula .
Indawo zokuvotela ezifana le Waterfalls Primary le Lord Malven School zivulwe ngesikhathi abantu benelisa ukuphathiswa ngokuphangisa kwehlisa indwende zabantu abaphakathi kwabangamatshumi amathathu kulesi sikolo abenelise ukuvukela kubanda ekuseni ukuze benelise ukuvota kusese lesikhathi.
Esikolo se Lord Malven khona abantu bamiswe kundwendwe ezimbili ezilabantu abafika kwabangamatshumi amabili sikhathi sinye bephathiswa ngokuphangisa kungela nkinga njalo kuqathaniswa abantu ngamabala akuqala amabizo abo eyinto eyenze ukuba indwende ziphele ngokuphangisa.
Umumo ube ngofanayo kutende lokuvotela emavinkilini awe Uplands Shops lakupulazi lakwa Irvines abantu bebuya santando bekhetha bephinde bebuyele ezindlini zabo kungela nkinga.
Izisebenzi eziphathisa kukhetho zithi ukhetho lusuke ekuseni luhamba ngemfanelo abantu belandela okudingakalayo njalo bengazisi ngecele abalisekelayo kumbe ukufuna ukukhuthaza abanye ukuthi bevotele kuliphi icele kumbe ukugqoka izikipa zamabandla abo.
Ngesikhathi sifika endaweni yokuvotela yetende ezitolo ze Caldon Shops ngezikhathi zokudla kwemini inani labantu beselehlile kulinganiswa labenelisa ukukhetha ngezikhathi zekuseni ngokutsho kwabaphathisa uzulu kulindawo.
Umumo uhambe kahle eHoughton Park kulandela okwenzakala ngesikhathi se Referendum kulenani labantu elengezelelweyo kancane njalo kungela nkinga noma salelwe ukubuza abantu ngokhetho kulindawo.
Umuzi we Mbare ongumango ongatsholuthu kusukela kulindawo wona ube labantu abanengi kundwendwe ezinde kuhambelana njalo lokwenzakala ngesikhathi sokhetho lwe Referendum.
Abahlola ukhetho bakwamanye amazwe lenhlanganiso ezifana leSadc bebezulazula bephosa ilihlo lapha lalayaphaya kundlela ukhetho oluhamba ngayo.