Uzulu wakoBulawayo uthi ulelungelo lokuthi abikelwe nxa uhulumende eboleka imali ngoba kunguye obhadala lezo zikwelede.
Uthi noma ngasiphi isikhathi ilizwe akumelanga ledlulise isilinganiso sokungamatshumi ayisikhombisa ekhulwini- 70% yendleko yakhe kuqathaniswa lemali ayibuthanisayo.
Uzulu wakoBulawayo labenhlangothi zonke zempilo kade bethe gwaqa ngoLwesithathu behlaziya udaba lwemali abathi luyisindabaphendule okwamanje elizweni.
UNkosikazi Tendai Bobo, wenhlanganiso yeZimbabwe Coalition on Debt and Development, uthi uhulumende wephula amalungelo oluntu ngakwenzayo.
“lndaba ekhona lapha yikuthi uhulumende kalandeli amalungelo esisekelo sombuso lezinye indlela ezisemthethweni nxa lapho eboleka imali ngoba nanku uzulu kabuzwa njalo nxa eboleka, ababoleki bekhawule lapho okutshiwo yisisekelo sombuso.’’
UNkosikazi Pretty Sithole, osakhulayo, uthi baphatheka kubi ngezikwelede zelizwe.
‘‘Sizwa silokuphatheka ngendlela engajabulisiyo ngoba uzulu kumele athintwe andubana izikwelede zenziwe njengoba ethintwa izikwelede sezithethwe. Uhulumende ulomlandu wokunanzelela amalungelo oluntu ukuthi ngokuthi uluntu uphatheka njani ngoba singakhangela lamhlanje uzulu weZimbabwe umahlikilili usebuhlungwini ngendaba yezikwelede azibuza zona ukuthi zathathwsa njani zizabhadalwa njani, ngiyakhuthaza uHulumende ukuthi ananzelele amarights abantu njalo ukuze abantu bahlale besuppooter sonke isikhathi.’’
Umnunzana Ben Ncube laye uthi bayathaba ukuthi idale lephalamende selingenele ukubana lincedise uzulu kulokhu okwenzakala elizweni.
“Uhlupho esilalo yikuthi izikwelede lezo azi odithwa so mina ngijabulile ukubana bakhulume ngendaba yokuthi iZim court ikhankasela ukubana iministry of finance iodithe lezo zikwelede ukuze singabi lesituation efana leyana eyokuthi saphiwa izikwelede zenational airline iAirZimbabwe kathiwa khona kumele irecapacitate kodwa sananzelela ukubana kulendizamtshina ezathengwayo kodwa phambilini sezwa kuthiwa no zazingasathengelwanga sathola ukubana iZimbabwe Air ways yayingaso yelizwe.”
UNkosikazi Melisa Nxumalo, isakhamuzi sakoBulawayo, uthi kumele amasela abanjwe phambilini kungakenziwa okunye.
Umhlangano owenzelwe koBulawayo uqhutshwe ngaphansi kwesihloko esithi ‘Zimbabwe's debt crisis & its implications to the ordinary citizens’.
