Abalobi labantu abaphatheke emsebenzini wamabhuku lezemfundo bathi owake waba ngumongameli weZimbabwe, umnumzana Robert Mugabe bazamkhumbula ngokukhuthaza ezemfundo lokuthuthukiswa kwabantu kuloluhlangothi.
Lokhu kuphume embuthanweni wabo wokunanza umsebenzi wezemfundo ngosuku olweInternational Literacy Day owenzelwe e Harare, ngoLwesihlanu.
Umlobi olodumo uVirginia Phiri uncome owayengumongameli uMnu. Robert Mugabe ngokukhuthaza intuthuko yezemfundo eZimbabwe okwavulela abantu abanengi amathuba.
“Abanengi abamaziyo bathi wayebala engumuntu othanda ukubala ingwalo .Labantwana ngizwa ukuthi waethakazelela ukuthi abalele abantwana amabhuku.Yikho sisithi abantwana baqakathekile ukuba bephatheke kumbuthano onje. Ekadeni kwakufundwa ye ingwalo zabantwana zazingekho kodwa khathesi ingwalo zabantwana siyazibhala.”
Omunye umlobi uNomsa Ngwenya olebhuku elithiwa ‘Izinyawo zayizolo’ uthi kudaba lokubala lokubhala yinto ayeyikhuthaza ngokubala yena ngokwakhe.
“Ngumuntu owayefunda he was a reader. Angizange ngimbone kodwa uyakhanya ukuthi wayengumuntu ofundayo so ngifisa ukuthi abantwana abancane nga bonke bangafunda bazi ukuthi kuqakathekile ngoba ukubala ugwalo luyakuthatha lukuse e Kenya, lukuse e South Africa , lukuse e Holland , lukuse e America lukuse yonke indawo ufunda nje Ingwalo.”
U Mangwenya uthi lobunzima bezomnotho sobusenza abantwana bengasabali kangako.
“Impilo inzima kakhulu especially elizweni lethu okunga ngokuthi even ukuthenga ugwalo abazali abanengi abenelisi ukuthenga ingwalo ngoba sibona ukuthi abantu khathesi ba busy. Okuthatha isikhathi sabo kakhulu yikudinga imali eyokuthi bathole nje ukudla.”
Ilanga le International Literacy Day liqakathekile kakhulu kuzifundi lababalisi njengokucasisa kuka Jilian Gwanzura ophatheke kulumbuthano.
“Ilanga leli likhunjulwa mhlaka 8 september kodwa lonyaka silenze mhla ka 13 september ngoba umhla ka 8 kwakuyi Sunday sabona ukuthi kuncono sense mhla ka 13 ngoba abantwana besikolo bayabe bekhona njalo si involva labantu abala ma disabilities ukuthi babe yi part yalo.”
Umkhosi wokunanza lelilanga uqoqwe ngokusebenzelana logatsha lwezemfundo lezinye inhlanganiso lenhlangothi zempilo ezizimeleyo ezigoqela abeUnited Nations Education Scientific and Cultural Organization [UNESCO] labanye. Inhlolisiso ye Zimstat ngomnyaka ka 2018 ikhomba ukuba ele Zimbabwe ngelinye lamazwe aphezulu ukwedlula amanengi ezwekazi le Africa kwezokubala amabhuku lemfundo.
