HARARE —
Umongameli Mugabe ufungise ukuqalisa umsebenzi amalunga edale labampathintambo elitsha ele Cabinet kanye labasekeli babo emkhosini owenzelwe esigodlweni sakhe se State House eHarare ngoLwesithathu.
Zonke inkokheli ezibethwe ngamagama ngoLwesibili zifunge phambi kukaMugabe ngoLwesithathu. Oqale ukwenze lokhu kungumsekeli kamongameli uNkosikazi Joice Mujuru.
Unkosikazi Mujuru ubengabethwanga ngegama emkhosini wangoLwesibili lapho kusethulwa inkokheli zengatsha zikahulumende okulethe imibuzo kuzulu obesebona angani uMugabe ubesengothikazayo kudaba lwabasekeli bakhe.
Umgcinisihlalo ebandleni leZanu PF uMnumzana Simon Khaya Moyo,okhethwe ukuba ngumphathintambo ehofisini kamongameli, nguye ocatshangelwa ukuba uzathatha esinye sezikhundla sokuba ngumsekeli kamongameli njalo lokhu kukhangelelwe ukwaziswa uzulu ngemva komhlangano omkhulu owenziwa ngomnyaka libandla le Zanu PF.
Emazwini akhe kuntathelizindaba ngemva kokufungiswa kwalezinkokheli labasekeli bazo, uMugabe uveze ukuba laba bantu bakhethwe kukhangelwa ukuba bangamalunga ebandla le Zanu PF uqobo njalo bengabalemfundo ethile.
Uveze ukuba uhulumende wakhe omutsha uzathatha amanyathelo ngokushesha okubona ukuba inotho yelizwe iya ezandleni zikazulu ngaphansi kohlelo lwe Indiginisation and Economic Empowerment.
UMugabe utshele intathelizindaba ukuba nxa ezakwehluleka ukuqhuba umsebenzi uMnumzana Francis Nhema ozakhokhela lolugatsha ulakho ukumxotsha umsebenzi kudingwe omunye.
Uthi uhulumende wakhe akayi kubuyela muva kuloluhlelo lokunikeza amandla ezomnotho kuzulu.
Ogcotshwe ukuba ngumphathintambo wezemigodi uMnunumzana Walter Chidhakwa, uthi uzaqinisa imisebenzi yokusa umnotho kuzulu ukuze batholiswe inzunzo labo kokwenjiwayo.
Umphathintambo omutsha wezemali uMnumzana Patrick Chinamasa ukhuthaze amazwe abekela uMugabe labanye bakhe izijeziso zenotho ukuba bazisuse ngokuphangisa ukuze eleZimbabwe lenelise ukuthuthuka kwezenotho.
Esekhuluma phezu kodaba lokubuyiselwa kokusetsenziswa kwedollar lakuleli, uChinamasa uthi kaliyi kubuyiselwa okwamanje.
Okhethwe ukuba ngumphathintambo wezokwethulwa kwemibiko uProffessor Jonathan Moyo uthi uzasebenza lenhlanganiso zonke zezindaba okugoqela ezisakaza zikwamanye amazwe okufana le Studio 7, 1st TV, Radio VOP le Short Wave Radio Africa.
Kodwa uMoyo uqonqosele kudaba lokuba limisakazo kumele iqakathekise inkuthazo yenhlanganiso yamazwe angezansi kwezwekazi le Africa iSadc ukuba kumele ivalwe.
Usekeli kamphathintambo wezempilakahle lokondliwa kuhle kwabantwana, uDr Paul Chimedza laye uthi abogatsha lwakhe bazasebenza gadalala ukuthuthukisa ezempilakahle, uzulu ayithole imithi ezibhedlela zonke zelizwe.
Lokhu kugcotshwa kwenkokheli zengatsha zikahulumende okwenziwe ngoLwesithathu kutsho ukuba seziwuqalile umsebenzi njalo uzulu ukhangelelwe ukufezwa kwezithembiso zonke ezenziwe ngabebandla le Zanu PF ngesikhathi likhankasela usekelo phambilini kokhetho.
Abecele le mdc ekhokhelwa ngumnumzana Morgan Tsvangirayi, obeyinhloko kahulumende kuhulumende womanyano lokhe beqina ngelokuthi uMongameli Mugabe lebandla lakhe leZanu PF laqilibezela kulolukhetho lwamhla ka 31 Ntulikazi.
Zonke inkokheli ezibethwe ngamagama ngoLwesibili zifunge phambi kukaMugabe ngoLwesithathu. Oqale ukwenze lokhu kungumsekeli kamongameli uNkosikazi Joice Mujuru.
Unkosikazi Mujuru ubengabethwanga ngegama emkhosini wangoLwesibili lapho kusethulwa inkokheli zengatsha zikahulumende okulethe imibuzo kuzulu obesebona angani uMugabe ubesengothikazayo kudaba lwabasekeli bakhe.
Umgcinisihlalo ebandleni leZanu PF uMnumzana Simon Khaya Moyo,okhethwe ukuba ngumphathintambo ehofisini kamongameli, nguye ocatshangelwa ukuba uzathatha esinye sezikhundla sokuba ngumsekeli kamongameli njalo lokhu kukhangelelwe ukwaziswa uzulu ngemva komhlangano omkhulu owenziwa ngomnyaka libandla le Zanu PF.
Emazwini akhe kuntathelizindaba ngemva kokufungiswa kwalezinkokheli labasekeli bazo, uMugabe uveze ukuba laba bantu bakhethwe kukhangelwa ukuba bangamalunga ebandla le Zanu PF uqobo njalo bengabalemfundo ethile.
Uveze ukuba uhulumende wakhe omutsha uzathatha amanyathelo ngokushesha okubona ukuba inotho yelizwe iya ezandleni zikazulu ngaphansi kohlelo lwe Indiginisation and Economic Empowerment.
UMugabe utshele intathelizindaba ukuba nxa ezakwehluleka ukuqhuba umsebenzi uMnumzana Francis Nhema ozakhokhela lolugatsha ulakho ukumxotsha umsebenzi kudingwe omunye.
Uthi uhulumende wakhe akayi kubuyela muva kuloluhlelo lokunikeza amandla ezomnotho kuzulu.
Ogcotshwe ukuba ngumphathintambo wezemigodi uMnunumzana Walter Chidhakwa, uthi uzaqinisa imisebenzi yokusa umnotho kuzulu ukuze batholiswe inzunzo labo kokwenjiwayo.
Umphathintambo omutsha wezemali uMnumzana Patrick Chinamasa ukhuthaze amazwe abekela uMugabe labanye bakhe izijeziso zenotho ukuba bazisuse ngokuphangisa ukuze eleZimbabwe lenelise ukuthuthuka kwezenotho.
Esekhuluma phezu kodaba lokubuyiselwa kokusetsenziswa kwedollar lakuleli, uChinamasa uthi kaliyi kubuyiselwa okwamanje.
Okhethwe ukuba ngumphathintambo wezokwethulwa kwemibiko uProffessor Jonathan Moyo uthi uzasebenza lenhlanganiso zonke zezindaba okugoqela ezisakaza zikwamanye amazwe okufana le Studio 7, 1st TV, Radio VOP le Short Wave Radio Africa.
Kodwa uMoyo uqonqosele kudaba lokuba limisakazo kumele iqakathekise inkuthazo yenhlanganiso yamazwe angezansi kwezwekazi le Africa iSadc ukuba kumele ivalwe.
Usekeli kamphathintambo wezempilakahle lokondliwa kuhle kwabantwana, uDr Paul Chimedza laye uthi abogatsha lwakhe bazasebenza gadalala ukuthuthukisa ezempilakahle, uzulu ayithole imithi ezibhedlela zonke zelizwe.
Lokhu kugcotshwa kwenkokheli zengatsha zikahulumende okwenziwe ngoLwesithathu kutsho ukuba seziwuqalile umsebenzi njalo uzulu ukhangelelwe ukufezwa kwezithembiso zonke ezenziwe ngabebandla le Zanu PF ngesikhathi likhankasela usekelo phambilini kokhetho.
Abecele le mdc ekhokhelwa ngumnumzana Morgan Tsvangirayi, obeyinhloko kahulumende kuhulumende womanyano lokhe beqina ngelokuthi uMongameli Mugabe lebandla lakhe leZanu PF laqilibezela kulolukhetho lwamhla ka 31 Ntulikazi.