WASHINGTON DC —
Inani labasekeli becele leMDC elithi umkhokheli walo, uMnu. Morgan Tsvangirai kumele atshiye isihlalo kulandela ukunqotshwa kwalelibandla kukhetho olusanda kwedlula liya liqansa.
Kodwa okumqoka yikuthi asebephume mgceke ngalumbono bengakhekhelezi ekukhulumeni ngabamhlophe. Umgciningcebo webandla, uMnu. Roy Bennet nguye oqalileyo ukuthi inkokheli yebandla kayiguqulwe.
Kwalandela esinye njalo isiphathamandla sakoBulawayo, uMnu. Eddie Cross othe kumele iguqulwe inkokheli ukuze lelibandla lenelise ukunqoba kukhetho oluzayo luka 2018.
Kuyonale iviki umkhokheli wenhlanganiso yabalimi abamhlophe, uMnumzana Ben Freeth ngomunye laye othe kumele iguqulwe inkokheli ikakhulu uTsvangirai ngokwakhe ngoba ngemva kokumela lelibandla okwamahlandla ayisithupha kumele kube lomunye umkhokheli ozamisana lomongameli Robert Mugabe.
UChris Gande weStudio 7 uxoxe lengcwethi ecubungula ezombusazwe, uMnu. Thabani Nyoni, njalo oyisikhulumeli senhlanganiso ye Crisis in Zimbabwe Coalition ngalolu daba. UNyoni uthi banengi abangasajabuleli ubukhokheli bukaTsvangirai abensundu kodwa abesaba ukuphuma mgceke. Abamhlophe uthi baphuma mgceke ngoba vele kabesabi ukuthi bazancitshwa izikhundla kumbe ukuxotshwa ebandleni.
Kodwa okumqoka yikuthi asebephume mgceke ngalumbono bengakhekhelezi ekukhulumeni ngabamhlophe. Umgciningcebo webandla, uMnu. Roy Bennet nguye oqalileyo ukuthi inkokheli yebandla kayiguqulwe.
Kwalandela esinye njalo isiphathamandla sakoBulawayo, uMnu. Eddie Cross othe kumele iguqulwe inkokheli ukuze lelibandla lenelise ukunqoba kukhetho oluzayo luka 2018.
Kuyonale iviki umkhokheli wenhlanganiso yabalimi abamhlophe, uMnumzana Ben Freeth ngomunye laye othe kumele iguqulwe inkokheli ikakhulu uTsvangirai ngokwakhe ngoba ngemva kokumela lelibandla okwamahlandla ayisithupha kumele kube lomunye umkhokheli ozamisana lomongameli Robert Mugabe.
UChris Gande weStudio 7 uxoxe lengcwethi ecubungula ezombusazwe, uMnu. Thabani Nyoni, njalo oyisikhulumeli senhlanganiso ye Crisis in Zimbabwe Coalition ngalolu daba. UNyoni uthi banengi abangasajabuleli ubukhokheli bukaTsvangirai abensundu kodwa abesaba ukuphuma mgceke. Abamhlophe uthi baphuma mgceke ngoba vele kabesabi ukuthi bazancitshwa izikhundla kumbe ukuxotshwa ebandleni.