Abalwela ilungelo loluntu abane ababotshwe ngoLwesithathu eHarare bathi batshaywa kabuhlungu ngabacatshangelwa ukuba ngamapholisa ensitha kulandela ukukhitshwa kwabo ngenkani endizamtshineni besiya emhlanganweni wabo eVictoria Falls.
Lokhu kukhulunywe emthethwandaba kamantshi eHarare namuhla obekuthoniswa amacala etheswa uMnu. Samuel Gwenzi, uNkosazana Namatai Kwekweza, uMnu. Robson Chere loMnu. Vusimuzi Moyo, okuthiwa bephula iziqondiso zomthetho oweCriminal Law (Codification) and Reform Act ngokutshengisela abakwenza phandle komthethwandaba eHarare okwakuthoniswa amacala amalunga eCCC angamatshumi phose ayisitshiyangalombili okuthiwa baqoqa umhlangano ongekho emthethweni.
Amagqwetha abo abalisa uMnu. Jeremiah Bhamu, uMnu. Tinashe Chinopfukutwa, UNkosazana Roseline Hanzi loMnu. Charles Kwaramba bathe abane laba bahlukuluzwa okumangalisayo ngabacatshangelwa ukuba ngamapholisa ensitha.
Bathe uNkosikazi Kwekweza wafakwa insimbi emlonyeni bamthathela umakhalekhukhwini kanye le-laptop. Bamthathela lepassport yakhe. Bathe uChere watshaywa ngensimbi njalo ubegcwele igazi umzimba wonke. Ngesikhathi bemtshaya, babe recorder amavideos ngencingo zabo. Ubikwa wafakwa phakathi kwamanzi aqandayo etshaywa wakhitshwa inwele zakhe ezinde ngenqamu.
Abamthumbayo laba bathembisa ukudlwengula umkakhe besithi kumele akhulume ukuba ukutshengisela okulakho ukwenzakala ngesikhathi somhlangano weSouthern African Development Community Summit eHarare, kuqoqwa ngubani. USamuel Gwenzi yena watshaywa ngamampama wenziwa ukuba atshaye islogan seZANU PF, esithi, ‘phambili ngeZANU PF, Phansi ngoChamisa, singabathengisa’.
Baphinda bamtshela ukuba badinga uGift Siziba loTakudzwa Ngadziore. Baphinda bathembisa ukulimaza abantwana bakhe nxa engatshengisela. Elinye lamagqwetha la wethule amazwi la.
UMantshi uNkosikazi Ruth Moyo uthe abane laba kumele baphenduke enkantolo ngoMvulo ngakho-ke bazavalelwa ejele kuze kufike usuku lolu. Olwela abalungelo oluntu osebenzela kunhlanganiso yeHeal Zimbabwe, uMnu. Stallion Siziba, uthi kuyadanisa okwenziwa nguhulumende.
“Okwenzakala eZimbabwe khathesi kuyadanisa ungthi akusela mthetho wethu owesisekela ngabe kuyakhanelisiswa lokhu.''
Lokhu kusekelwe nguNkosikazi Ellen Shiriyedenga omela iHarare edale leSenate ekubandla leCCC.
“Siyadana ukuba bahlukumeza abantu ngesikhathi lesi ngoba sikhangelele ukuba amlungelo ahlonitshwe.''
Kodwa osekela ibandla leZANU PF, uMnu. Malvern Dube, uthe abantu kumele bahloniphe umthetho beme ukutshengisela.
“Kabame ukulwisana lozulu we Zimbabwe benze okusemthethweni.”
Umtshutshi kahulumende, uMnu. Anesu Chirenje, uthi abantu laba kumele beqhubeke bevalelwe uhulumende esadinga ubufakazi.
Forum