Abalandeli beqembu leHighlanders bathi babuthanise phose inkulungwane eziyisithupha zamadollar eMelika emcimbini abawenze izolo eBosso Clubhouse koBulawayo ngeSonto.
Benze umcimbi lo kulandela ukuhlawuliswa kweqembu leli inkulungwane eziyisithupha zamadollar eMelika – 6,000 U.S. dollars yinhlanganiso yenguqu eyeCastle Lager Premier Soccer League kulandela ukukhalala umdlalo owawuphakathi kwalo leleSimba Bhora kunkezo yeChibuku Cup kumaviki amabili edluleyo.
Abaqoqe umcimbi lo babonge kakhulu okwenziwe ngabalandeli beqembu leli besithi imali le izanikwa iziphathamandla zeHighlanders.
IHighlanders yakhonona ngendlala unompembe labasekeli bakhe abanika ngayo iSimba Bhora umbekwa besithi benza okusemakhanda abo hatshi indlela okumele kudlalwe ngayo umdlalo wenguqu.
Abalandeli laba bakhalale njalo umdlalo obuphakathi kweqembu labo leleZPC Kariba, odlalwe ngeSonto obekulabantu abaphansi kwenkulungwane ezimbili. Kuvame ukuba labantu abedlula inkulungwane ezilitshumi – 11,000 emidlalweni efana lodlalwe izolo eBarbourfields Stadium koBulawayo.
IPSL ithi ikhathazekile ngokwenziwe ngabalandeli beBosso.
Forum