BULAWAYO —
Abanye abalandeli beqembu lomdlalo wenguqu ele Highlanders bakhuluma kubi phezu kwendlela iqembu labo eliqhuba ngayo esigabeni se Premier Soccer League kusizini yalonyaka. I Bosso isinqotshwe emidlalweni eyisithupha kuligi selokhu kuqale imidlalo le kodwa loba kunjalo itshiywa ngemiklomelo emine kuphela liqembu elihlezi phezu kwengalane ele Dynamos.
Ukutshaywa kwe Bosso ize iphindwe umphehlo liqembu elingene lonyaka esigabeni saphezulu ele How Mine kutshiye abalandeli baleliqembu sebethandabuza ukuba lingenelisa ukuphakamisa isicoco se ligi lonyaka loba nje litshiywa ngemiklomelo emine liqembu elihlezi phezu kwengalane ele Dynamos.
Othengisa okutshiyeneyo ezitaladeni zedolobho lako Bulawayo Thabani Sibanda, yena ongumsekeli omkhulu weqembu le Highlanders, uthi ngokubona kwakhe okusilelalyo kuqembu le Bosso ngabadlali abadlala bezimisele.
Umbazi osebenzela ngaphandle kwe City Hall uAmos Dube yena owaziwa kakhulu ngegama lokuthi ngu Mourinho ngenxa yokuhlala exoxa ngezemidlalo uthi yena inkinga ukubaqeqetshi beqembu le Highlanders bona athi batshokotsha abadlali njengamakhasi.
Usomabhizimisi uMnu. Ronald Mkhwebu ukhuthaze inkokheli zeqembu le Highlanders ukuba ziphange zilungisise izinto ngoba ukudliwa kweqembu leli kuhlukumeza isizwe sika Mthwakazi.
Owesifazane olandela umdlalo kanobhutshuzwayo njalo ongaswelakaliyo emagumeni nxa kudlala iHighlanders uNkosazana Similo Siwela uthi abalandeli be Bosso abangayethuki lutho ngoba ithuba lokuphakamisa isicoco lisasekhona.
Ukungadlali kuhle kwe Highlanders lonyaka sekudale ukuba abalandeli beqembu behlale ezindlini bengayi enkundleni okuyinto uPatrick Ncube ohlala eMakokoba athi ilakho ukuqhubeka isenzeka nxa leliqembu lingayala lilokhu lidliwa lidlala lisekhaya.
Lesisimo esikuqembu leHighlanders sesidale inkulumo phezu kokuba imbangela kuyini njalo kulecele labalandeli elisola abadlali baleliqembu abakudala abagoqela uMeneja wethimu uWillard Khumalo kuthiwa bafuna ukuxotshisa umqeqetshi waleliqembu uKelvin Kaindu yena oyisizalwane se Zambia ikanti abanye bathi uKaindu uyazehlulekela nje.
Inkokheli yeqembu leHighlanders ilandule ukuba kulokungezwani phakathi kwalabo abaphethe abadlali kodwa uDube uthi ngamandlwane wodwa ayenziwa kuqembu leli.
Kusele imidlalo eyithoba munwe munye ukuba imidlalo yesigaba se PSL ifike komlindi uyacina njalo kusasekunengi okungenzakala kodwa okwethusa abalandeli beqembu le Highlanders yikuba leliqembu liqhuba nzima lidlala lisemagumeni phambi kwabasekeli balo.
Umqeqetshi weqembu leBosso uKelvin Kaindu yena uthi abalandeli abangalahli imbeleko ngokufelwa ngoba elethemba lokuba isizini iyafika emaphethelweni iqembu lakhe kuyilo elithethe inkezo yalonyaka.
Ukutshaywa kwe Bosso ize iphindwe umphehlo liqembu elingene lonyaka esigabeni saphezulu ele How Mine kutshiye abalandeli baleliqembu sebethandabuza ukuba lingenelisa ukuphakamisa isicoco se ligi lonyaka loba nje litshiywa ngemiklomelo emine liqembu elihlezi phezu kwengalane ele Dynamos.
Othengisa okutshiyeneyo ezitaladeni zedolobho lako Bulawayo Thabani Sibanda, yena ongumsekeli omkhulu weqembu le Highlanders, uthi ngokubona kwakhe okusilelalyo kuqembu le Bosso ngabadlali abadlala bezimisele.
Umbazi osebenzela ngaphandle kwe City Hall uAmos Dube yena owaziwa kakhulu ngegama lokuthi ngu Mourinho ngenxa yokuhlala exoxa ngezemidlalo uthi yena inkinga ukubaqeqetshi beqembu le Highlanders bona athi batshokotsha abadlali njengamakhasi.
Usomabhizimisi uMnu. Ronald Mkhwebu ukhuthaze inkokheli zeqembu le Highlanders ukuba ziphange zilungisise izinto ngoba ukudliwa kweqembu leli kuhlukumeza isizwe sika Mthwakazi.
Owesifazane olandela umdlalo kanobhutshuzwayo njalo ongaswelakaliyo emagumeni nxa kudlala iHighlanders uNkosazana Similo Siwela uthi abalandeli be Bosso abangayethuki lutho ngoba ithuba lokuphakamisa isicoco lisasekhona.
Ukungadlali kuhle kwe Highlanders lonyaka sekudale ukuba abalandeli beqembu behlale ezindlini bengayi enkundleni okuyinto uPatrick Ncube ohlala eMakokoba athi ilakho ukuqhubeka isenzeka nxa leliqembu lingayala lilokhu lidliwa lidlala lisekhaya.
Lesisimo esikuqembu leHighlanders sesidale inkulumo phezu kokuba imbangela kuyini njalo kulecele labalandeli elisola abadlali baleliqembu abakudala abagoqela uMeneja wethimu uWillard Khumalo kuthiwa bafuna ukuxotshisa umqeqetshi waleliqembu uKelvin Kaindu yena oyisizalwane se Zambia ikanti abanye bathi uKaindu uyazehlulekela nje.
Inkokheli yeqembu leHighlanders ilandule ukuba kulokungezwani phakathi kwalabo abaphethe abadlali kodwa uDube uthi ngamandlwane wodwa ayenziwa kuqembu leli.
Kusele imidlalo eyithoba munwe munye ukuba imidlalo yesigaba se PSL ifike komlindi uyacina njalo kusasekunengi okungenzakala kodwa okwethusa abalandeli beqembu le Highlanders yikuba leliqembu liqhuba nzima lidlala lisemagumeni phambi kwabasekeli balo.
Umqeqetshi weqembu leBosso uKelvin Kaindu yena uthi abalandeli abangalahli imbeleko ngokufelwa ngoba elethemba lokuba isizini iyafika emaphethelweni iqembu lakhe kuyilo elithethe inkezo yalonyaka.