WASHINGTON DC —
Ixuku lebandla le MDC-T elifuna ukuthi umongameli webandla, uMnu. Morgan Tsvangirai asuke esihlalweni lithi selimlobele incwadi yokuthi azokuma phambi kwedale lezijeziso athoniswe udaba lobusela, ukwephula isisekelo sombuso kanye lamanye amacala.
Owayengumsekeli kamgciningcebo, uMnu Elton Mangoma utshele intathelizindaba ngoLwesithathu ukuthi u Tsvangirai uzathonisiswa icala lokwephula isisekelo sombuso, ukutshontsha imali yebandla lokusebenzisa udlakela kulabo abalembono ehlukene leyakhe.
UMangoma kodwa kazange akhulume ukuba uTsvangirai wantshontsha malini. Emhlanganweni lentathelizindaba uMangoma, obemi legqwetha lakhe njalo elilunga lebandla leMDC-T, uMnu. Jacob Mafume, uthe abazabe bekukhomidi yezijeziso ngamagqwetha amathathu angawaqambanga ngamagama.
Kodwa okhethwe ngoLwesibili ukuba ngunobhala jikelele wecele elithi uTsvangirai aqhubeke esesikhundleni ngemva kokuxotshwa kukamnumzana Tendai Biti, uMnu. Tapiwa Mashakada utshele iStudio Seven ukuba uTsvangirai kasoze acithe isikhathi sakhe esiya emhlanganweni lalabo athi ngabahlamuki.
Owayengunobhala jikelele uBiti lamanye amalunga alitshumi lanye axotshiwe ngoLwesibili kulandela umhlangano abawenze ngoMgqibelo onqume ukuba inkokheli esekela uTsvangirai, labanye sebexotshiwe kulelibandla.
Kodwa uTsvangirai labanye bakhe labo benze umhlangano ngoLwesibilio banquma ukuba inkokheli yebandla eyayikhona emhlanganweni wangoMgqibelo sebexotshiwe.
Isikhulumeli sexuku elisekela uTsvangirai, uMnu. Douglas Mwonzora utshele iStudio Seven ukuthi ibandla lithume umsekeli kaMongameli webandla, uNkosazana Thokozani Khuphe ukuthi ase incwadi edale lephalamende yokuthi axotshwe amalunga edale athi uTsvangirai kasuke esihlalweni.
Ukuhlaziya loludaba uChris Gande weStudio Seven uxoxe lengcwethi ecubungula ezombusazwe, uMnu. Walter Nsungunguli Mbongolwane othi indlela uTsvangirai labanye bakhe abaphethe ngayo ibandla leMDC-T izakwenza abantu bangathembi ukuthi yibo abalungele ukuphiwa intambo zombuso.
Owayengumsekeli kamgciningcebo, uMnu Elton Mangoma utshele intathelizindaba ngoLwesithathu ukuthi u Tsvangirai uzathonisiswa icala lokwephula isisekelo sombuso, ukutshontsha imali yebandla lokusebenzisa udlakela kulabo abalembono ehlukene leyakhe.
UMangoma kodwa kazange akhulume ukuba uTsvangirai wantshontsha malini. Emhlanganweni lentathelizindaba uMangoma, obemi legqwetha lakhe njalo elilunga lebandla leMDC-T, uMnu. Jacob Mafume, uthe abazabe bekukhomidi yezijeziso ngamagqwetha amathathu angawaqambanga ngamagama.
Kodwa okhethwe ngoLwesibili ukuba ngunobhala jikelele wecele elithi uTsvangirai aqhubeke esesikhundleni ngemva kokuxotshwa kukamnumzana Tendai Biti, uMnu. Tapiwa Mashakada utshele iStudio Seven ukuba uTsvangirai kasoze acithe isikhathi sakhe esiya emhlanganweni lalabo athi ngabahlamuki.
Owayengunobhala jikelele uBiti lamanye amalunga alitshumi lanye axotshiwe ngoLwesibili kulandela umhlangano abawenze ngoMgqibelo onqume ukuba inkokheli esekela uTsvangirai, labanye sebexotshiwe kulelibandla.
Kodwa uTsvangirai labanye bakhe labo benze umhlangano ngoLwesibilio banquma ukuba inkokheli yebandla eyayikhona emhlanganweni wangoMgqibelo sebexotshiwe.
Isikhulumeli sexuku elisekela uTsvangirai, uMnu. Douglas Mwonzora utshele iStudio Seven ukuthi ibandla lithume umsekeli kaMongameli webandla, uNkosazana Thokozani Khuphe ukuthi ase incwadi edale lephalamende yokuthi axotshwe amalunga edale athi uTsvangirai kasuke esihlalweni.
Ukuhlaziya loludaba uChris Gande weStudio Seven uxoxe lengcwethi ecubungula ezombusazwe, uMnu. Walter Nsungunguli Mbongolwane othi indlela uTsvangirai labanye bakhe abaphethe ngayo ibandla leMDC-T izakwenza abantu bangathembi ukuthi yibo abalungele ukuphiwa intambo zombuso.