BULAWAYO —
Abafundisi bamababandla okholo lwesiKrestu e-Matabeleland aphathe inkonzo ngoLwesine yokukhulekela ukhetho olulokuthula eZimbabwe njalo ethula umkhankaso wokuvotela inkokheli ezithembekileyo njalo ezesaba unkulunkulu.
Amabandla la athi kuyadingeka ukuthi amakholwa athandazele ukuthi lelilizwe liphathe ukhetho olungeladlakela njalo olungasoze lukhumbuze uzulu amaphutha enzakala kukhetho olwadlulayo oluka 2008.
Obona ngokuqhutshwa kwenhlelo enhlanganisweni ye Churches in Matabeleland, uMfundisi Levy Moyo, uthi uzulu ulelungelo kanye lomlandu wokukhetha inkokheli ezizaletha ukuthula lengqubelaphambili elizweni.
Uthi umthandazo lo ubujonge ukuthi ilizwe lingabi lobudlwangudlwangu njalo uzulu athole inhlakanipho ayidingayo ukukhetha inkokheli okuyiyo ilizwe eliyiswelayo.
UMoyo, owethule njalo umkhankaso othiwa yi Exodus 18: 21, uthi bajonge ukukhuthaza intsha okuyikho iqala ukuvota ukuthi isebenzise lelithuba ukuguqula ilizwe.
Uthi inkuthazo yabo ngeyokuthi intsha ingayivota kuphela kodwa ikhulekele ilizwe ukuthi lithathe indlela okuyiyo eqondileyo ukuze kuvuselelwe inotho yelizwe kanye lobudlelwano lamanye amazwe womhlaba.
Omunye njalo umfundisi okhulume kulumhlangano, uMfundisi Qobo Mayisa, uthi sebenxuse abafundisi bakuleli akade sebehlala kwamanye amazwe ukuthi baze bona ukuqhutshwa kwalolukhetho.Wengeze esithi abafundisi laba bebephatheke emsebenzini wokulwela amalungelo oluntu kuleli besemazweni anjenge South Africa, iBritain kanye le Australia kusukela ngomnyaka ka 2008.
Ongene lumhlangano, uNkosikazi Agnes Mlotshwa uthi kuqakathekile ukuthi abantu bakhulumisane ngokuthula ngoba lokhu kuqalisela ezimulini kanye lekuhloniphaneni phakathi kwabomakhelwane kungakayiwa kumabandla ezombusazwe.
Umbuthano womthandazo lo uqoqwe ngabe Churches in Matabeleland bemanyene lenhlanganiso yamabandla ezokholo iZimbabwe Christian Alliance. Umkhuleko lo uza kungasensuku zatshwala ukuthi ukhetho luphathwe ngeviki ezayo.
Amabandla la athi kuyadingeka ukuthi amakholwa athandazele ukuthi lelilizwe liphathe ukhetho olungeladlakela njalo olungasoze lukhumbuze uzulu amaphutha enzakala kukhetho olwadlulayo oluka 2008.
Obona ngokuqhutshwa kwenhlelo enhlanganisweni ye Churches in Matabeleland, uMfundisi Levy Moyo, uthi uzulu ulelungelo kanye lomlandu wokukhetha inkokheli ezizaletha ukuthula lengqubelaphambili elizweni.
Uthi umthandazo lo ubujonge ukuthi ilizwe lingabi lobudlwangudlwangu njalo uzulu athole inhlakanipho ayidingayo ukukhetha inkokheli okuyiyo ilizwe eliyiswelayo.
UMoyo, owethule njalo umkhankaso othiwa yi Exodus 18: 21, uthi bajonge ukukhuthaza intsha okuyikho iqala ukuvota ukuthi isebenzise lelithuba ukuguqula ilizwe.
Uthi inkuthazo yabo ngeyokuthi intsha ingayivota kuphela kodwa ikhulekele ilizwe ukuthi lithathe indlela okuyiyo eqondileyo ukuze kuvuselelwe inotho yelizwe kanye lobudlelwano lamanye amazwe womhlaba.
Omunye njalo umfundisi okhulume kulumhlangano, uMfundisi Qobo Mayisa, uthi sebenxuse abafundisi bakuleli akade sebehlala kwamanye amazwe ukuthi baze bona ukuqhutshwa kwalolukhetho.Wengeze esithi abafundisi laba bebephatheke emsebenzini wokulwela amalungelo oluntu kuleli besemazweni anjenge South Africa, iBritain kanye le Australia kusukela ngomnyaka ka 2008.
Ongene lumhlangano, uNkosikazi Agnes Mlotshwa uthi kuqakathekile ukuthi abantu bakhulumisane ngokuthula ngoba lokhu kuqalisela ezimulini kanye lekuhloniphaneni phakathi kwabomakhelwane kungakayiwa kumabandla ezombusazwe.
Umbuthano womthandazo lo uqoqwe ngabe Churches in Matabeleland bemanyene lenhlanganiso yamabandla ezokholo iZimbabwe Christian Alliance. Umkhuleko lo uza kungasensuku zatshwala ukuthi ukhetho luphathwe ngeviki ezayo.