Abadabuka eZimbabwe abahlala kwele South Africa bathakazelela okwethulwe ngoLwesibili ngumthethwandaba weConstitutional Court, olahle isicelo sikahulumende esokuzama ukuguqula isinqumo sePretoria High Court, esakubeka sobala ukuthi akukho emthethweni ukuvalwa kohlelo lwamaphepha eZimbabwe Exemption Permits.
IPretoria High Court yethula isinqumo lesi nyakenye ngoNhlangula kodwa ukulumende wathi kahambelani laso. Abakunhlanganiso yeHellen Suzman Foundation abaphikisa uhulumende owaphanyeka udaba lolu emthethwandaba bathakazelela okwethulwe yiConstitutional Court.
Kulabantu abafika phose inkulungwane ezilikhulu lamatshumi ayisificanimwemibili – 179,000 abalamaphela eZEP.
Kulamabandla ezombusazwe kwele South Africa lawo angathakazeleli abalamaphepha la labakwanye amazwe okuthiwa bethatha imisebenzi eminengi. Abanye babo kuthiwa bathengisa izidakamizwa. Abadabuka eZimbabwe bayakuphika lokhu.
Ukuhlaziya loludaba, sixoxe loMnu. Bongani Mkwananzi owenhlanganiso yeZimbabwe Community in South Africa othi kumele bonke abalamaphepha la bewavuselele ukuze bebelelungelo lokuhlala lokusebenza elizweni leli.
Forum