Izizalwane zeZimbabwe ezihlala kwamanye amazwe zibuye ngobunengi lonyaka zizodlala ikhefu leKhisimusi lezihlobo labangane.
Inengi lithi iKhisimusi lilanga okuhlangana khona izihlobo kudliwa, kujatshulwa, kuxoxwa indaba ezimnandi yikho nje libuye ekhaya ngoba phetsheya abahlala khona ngales’isikhathi kulamakhaza njalo akulazihlobo. Abanye bakhala ngodubo lokuswelakala kwamandla kagetsi, amanzi lemigwaqo efileyo bethi kuphazamisa ikhefu labo.
Kuyaxokozela ezilindweni zendizamtshina, kweminye imingcele lazilindweni zamabhasi okulabadabuka eZimbabwe ababuye ekhaya ukuzekholisa lezihlobo labangane ngekhefu leKhisimusi. UNkosazana Nobuhle Hadebe ohlala eLondon obeselubhekise emagcekeni endizamtshina ezamhambisa koBulawayo uthabe okumangalisayo.
“Ngikhangelele ukuya dlala iKhisimusi ekhaya eZimbabwe sihlangane nje labangane lezihlobo kube mnandi kudliwe nje kujabulwe kube mnandi njenge khisimusi yonaleyana esasiydlalanje kudala cause we miss that syakukhanuka nje khonokhu."
UNkosazana Nothando Dube osesendleleni esuka eBhilithani esiya ekhaya uthi iKhisimusi yekhaya uyithandela ukudla kwesintu.
"Ngisendleleni khona lapha yokuya ekhaya ngyadlalela ikhisimusi khona ngoba eyangapha e UK ayikho mnandi so ngifuna eyekhaya lapho engizokholisa khona sihlaba khona imbuzi sihlabe khona inkukhu konke nje sijabule sidle nje okusemasimini abolude abodelele kunini sakucina so ngisendleleni ngiya
Omunye ohlala eBhilithane osethelikile koBulawayo nguNkosikazi Nozipho Ncube.
"Ekhaya bakithi kumnandi hayi iUK leyi eyabuyayo hayi ah, akula even ifamily time ukuthi sike sihlale siwose inyama sike sinathe ezimnandi sizikholisele nje lemuli yazi ufile free lawe nje ube lokuyi social llife nje labantu."
UMnu Zibusiso Mabuza ohlala eSlough kweleBhilithani uthi isimo kuye sibi ngoba kalamali yokuya ekhaya.
"Sengicabange ukuthi wothi umuntu azisebenzele this year lapha abathumezele at least bona babe lemali bedle than ukut silambe sonke ngsekhaya ha imali zangkhona zyangena ziphume ndoda zyangena ziphumi hayi kubi kubi."
UMnu. Dumisani Gumbo laye kahambanga ekhaya.
"Bengilethuba sibili lokuyhi ngibuye ekhaya ngizodlala ikhisimusi kodwa ke manje ngapha emsebenzini basebesithi bafuna ngihlale ngisebenze ngayo ikhisimusi ngokwayo ngasengisithi ah ..Bekukimi ukuthi ngivume kumbe ngale ngasengsithi haa yekela ngivume njoba vele kule somiso esinje ngakho ke ngasengsithi mina ngizahamba ke ngabona kubo phambile le kumnyako zayo."
Inengj likhala ngemigwaqo efileyo. UMnu. Nathi Owen Ndlovu uvela eSouth Africa njalo sowakha umuzi eNsuza.
"Kuhle ekhaya izulu linile syalima syahlanyela kodwa kulento eyi 1 engidanisileyo imigwaqo yethu ayisalungiswa or asazi izolungiswa nini ngiphose ngawa ngemoto KoBulawayo ngehluleke ukulala ekhaya ma ngifika akuna manzi akuna magesi ,ekhaya kuhle kumnandi inkinga umgwaqo wethu uVictoria falls ngeke Uhambe ngemoto encane yiyo into engidanisileyo ma sesi compeya laphetsheya lapho esisukaa khona kubo Mzansi Africa.
Olwela amalungelo oluntu esebenza lamabandla enkolo atshiyeneyo uMnu. Qobo Mayisa uthi isimo sibi eZimbabwe okuzakwenza abantu bengakholisi kahle ikhefu leKhisimusi.
"Kusuka kubengani ku munyu lonyaka ngoba abantu kabalaqiniso akula manzi akula magetsi abantu basuka bebe lokwesaba ukuthi ikusasa ibaphatheleni isifiso sami yikuthi aluba izinto lezi zingalungiswa
Osebenzela inhlanganiso yabathwala abantu ezisuka kweleSouth Africa zisiya eZimbabwe, eyeCross Border Association Transporters, uMnu. Bongani Moyo, uthi basebenzile kakhulu kulelikhefu.
"Thina njengama transporter esiku transport industry syabonga kakhulu abantu babuyile babuye ngobunengi babo Sizozama futhi ukuthi sibabisele futhi ngo January abadala siqakathekisa ukuthi abantu bahambe kahle bengalahli izinto zabo behambe ngokuthula nge peace bebuye emakhaya
Kuduma ingoma yonkindawo, abanye ngabayatshadisa, abanye balemcimbi, abanye njalo bazigidela ezindlini lemakhaya, ezitolo kuyaxokozela, kuyanathwa kuyadliwa. Imbuzi lenkukhu ziyadliwa, kunye lembhida yolude. Yibo ubunandi bekhaya obulandwa ngabanegi abavela ngaphandle kwelizwe.
Forum