Ingcwethi ecubungula ezemidlalo, ikakhulu eyenguqu, uBuhlebenkosi Ncube usekhuthaze osomabhizimusi kanye lohulumende ukuthi beqakathekise ukuphatheka kwabesifazana kwezemidlalo ngoba okwamanje, amaqembu asathuthukayo awananzelelwa ngeminye imisakazo lamaphephandaba.
Uthi ukhuthaza osomabhizimusi ukuthi batshale imali yabo emdlalweni yabesifazana ngendlela yokuthuthukisana njalo lohulumende akhuphule isisindo sesikhwama sezemidlalo ku budget.
“Uhulumende angakhuphula ibudget ye sports, uyabe esehlisa ibudget ye health ngoba imidlalo le iletha impilakahle,” kugcizelela uMaNcube.
Uthi okwamkhuthaza ukuthi alandele umdlalo wenguqu ngunina othanda iqembu leLiverpool, ngakho esakhula, babebukela bobabili kumabonakude.
“Abanye abantwana bathi bebukela opopayi mina ngibukela imidlalo yenguqu lomama,” kuphawula uMaNcube, olekhasi lakhe enkundleni yokuxhumana ebulenjini elazakala ngokuthi “Sports Grind with Buhle,” njalo etholakala kuFacebook, twitter, whattsap, instagram laku website.
https://www.facebook.com/profile.php?id=100063590025889
Forum