Kutholakala amaBlack Boxes Ngemva Kokuwa Kwendizamtshina eMelika Angaveza Ulwazi Ngalingozi Ebulele Abangu67

Kulandela ukubhewuka kwendizamtshina ye American airlines ngoLwesithathu olwedluleyo yawela emfuleni uPotomac eWashington DC ngemva kokungqikilana leyebutho emoyeni, sokutholakele amabhokisi aziwa ngokuthi ngama black boxes angaveza ulwazi ngokwenzakeleyo ingakawi.

Kubikwa akulamuntu ophephileyo phakathi kwabangamtshumi ayisithupha lasikhombisa-67 abakade bekundizamtshina zombili njalo lanxa ezinye izidumbu sezitholakele, ezinye zisadingwa emanzini, wona aqandayo ngenxa yomumo womkhathi, longqwaqwa ophezu kwawo.

Abanye ababikwa bebekule indizamtshina ngabomdlalo owe skating lemndeni yabo, abadabuka eRussia njalo abanye babo sebeqanjiwe ngamagama.

Umongameli Donald Trump izolo usayine izivumelwano zama executive orders okulawula imithetho yemoyeni eyokuvimbela izehlakalo ezifana lalesi yena athi kungabe kubangelwe yizizathu ezithile lanxa ingcwethi zisithi kalabufakazi bakho.

Ukuhlaziya loludaba, sixoxe loMnu. Raphael Mthombeni, ingcwethi ecubungula ezombusazwe, ohlala eMelika.

Embed share

Ingxoxo loMnu. Raphael Mthombeni

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:06 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala