Kuhlelo oluphathelane labesifazana sixoxa lommeli wePumula ephalamende uNkosikazi Sichelesile Mahlangu yena othi bayake bemukele imbiko, ikakhulu evela emakolitshini emfundo ephezulu ethi amantombazana ayabhubha ngoba ezama ukukhipha izisu esebenzisa incingo kumbe ingotsha.
"Siyabona lendabeni ukuthi abantwana abaleminyaka 14 give birth, 15 give birth, so asingeke sicatshe ngomunwe sithi abayi emacansini. It's happening," kuphawula uMahlangu.
Uthi kusobala ukuthi abasakhulayo sebethembe ukusebenzisa amaphilisi okuthiwa ngama "morning after" anathwa ngemva kokuya emacansini bengazivikelanga, kuthi kungehlula besebezama ukukhipha izisu.
Wengeze wathi kusobala ukuthi abanye besaba ukukhulelwa okwedlula ukwesaba imikhuhlane efana leyengulamakhwa legcikwane le HIV.
"Angitsho ukuthi abantwana bavunyelwe, ngithi labo abavele sebe matured. I pleasure yabantwana kulezi insuku isiku sex. Bayanatha ama morning after, kungehlula sebe engager in unsafe abortion methods, abanye befe."
UNkosikazi Mahlangu uthi lolu udaba bayake beluhluze ephalamende njalo uhulumende emanyene lenhlanganiso ezizimeleyo ulohlelo lwama mobile clinics lapho izimota ezinkulu ezifika zipake emphakathini, abantu jikelele bethole usizo.
Usizo lolu lugoqela ukuhlolwa imikhuhlane ethile, ukuphiwa amaphilisi leminye imithi yokuvikela izisu, lokuxwayiswa ngezempilakahle.
UNkosikazi Mahlangu uthi kufanele kwenziwe kube lula ukuthi labantwana abasakhulayo ama teenagers befinyelele lolusizo njalo bethole lezixwayiso ezifaneleyo.
Forum