Inkokheli Zamazwe Omhlaba Zithumela Amazwi Enduduzo Kulandela Ukutshona kukaJimmy Carter

Abakhokheli bamazwe omhlaba labezombusazwe eMelika sebeqale ukuthumela amazwi enduduzo kulandela ukutshona kowayengumongameli weleMelika uJimmy Carter obhubhe ngeSonto eseleminyaka yokuzalwa elikhulu.

Umongameli Joe Biden lomkakhe uNkosikazi Jill Biden bathe amazwe omhlaba alahlekelwe kakhulu ngumkhokheli woqotho obezinikele ekuphathiseni uzulu.

Osanda kukhethwa ukuba ngumongameli weMelika uMnu. Donald Trump lomkakhe uNkosikazi Melania Trumo bathe uCarter wahlangana lobunzima ngesikhathi engena embusweni kodwa wenza konke okwakusemandleni akhe ukuthuthukisa impilo yezizalwane zeMelika.

Abanye abakhokheli asebethumele imibiko bagoqela umsekeli kwamongameli weleMelika uNkosikazi Kamala Harris, umsekeli kaMnu Trump uMnu JD Vance, abake bakhokhela iMelika abathi uMnu Barack Obama, uMnu George W. Bush, uMnu Bill Clinton lomkakhe uNkosikazi Hillary Clinton.

Inkokheli zamanye amazwe esezithumele amazwe enduduzo zigoqela uMnu Abdel-Fattah el-Sissi owase-Egypt, uKing Charles waseBhilithani, umkhokheli kahulumende weCanada uMnu Justin Trudeau, umongameli wePanama uMnu Jose Raul Mulino, owaseVenezuela uMnu Nicolas Maduro, uMnu Emmanuel Macron waseFrance, uMnu Anthony Albanese owaseAustralia, oweUkraine uMnu Volodymyr Zelenskyy, oweCuba uMnu Miguel Diaz-Canel labanye.

Olandela ezombusazwe weMelika eyisizalwane seZimbabwe uMnu Mkhululi Ndabambi utshele iStudio7 ukuthi uMnu Carter waphathisa kakhulu kunkulumo zeLancaster House ezaletha inkululeko eZimbabwe.

Embed share

Ingxoxo loMnu Mkhululi Ndabambi.

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:01:54 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala