Inhlanganiso yeMatabeleland Institure for Human Rights ithi uhlelo lwekhansili yakoBulawayo olokwakha idamu elizabizwa ngokuthi yi Glassblock kumbe Bopoma elikhangelelwe ukuthi lilethele lelodolobho amanzi ngesiphangi-phangi lulakho ukubhekana lemigoqo eminengi.
Uhulumende usevumile ukuthi uhlelo lokwakha lelidamu luqhubeke njalo usodolobho wakoBulawayo uKhansila David Coltart usanda ukuthi luzasebenza kuze kufike umnyaka ka 2037 besekudingakala ukuthi kube lamanzi avela ku Gwayi-Tshangani, lezinye inhlelo zokusebenzisa amanzi kanengi-nengi ngemva kokuwahlanza, eze re-cycling.
Kodwa uMnu. Khumbulani Maphosa, umqondisi yeMatabeleland Institure for Human Rights, uthi idamu le Bopoma lilakho ukuhlangana lokuhluphayo kwamanye amadamu okugoqela ukungagcwali kwamanzi ngoba lisendaweni efanayo eye catchment area.
Uthi eminye imigoqo ngabemba amatshe aligugu eduzane laleyondawo, lokuthi amanzi nxa esekhona azadula.
UMnu. Maphosa uthi waxwayise ikhansili ngalezi ingxaki. Kodwa ikhansili ithi uhlelo lolu lulungile okwesikhatshana ngoba idamu lelo lizasebenza ukuletha amanzi ngemva kwenyanga ezilitshumi lasitshiyagalombili.
Idolobho lakoBulawayo libhekane lohlupho lokusilela kwamanzi njalo selehlisile isilinganiso samanzi abahlali abangawathola ngeviki,
Forum