Inkampani yeZESA ithi ngoLwesibili icitshele indawo ezedlula itshumi lasikhombisa amagetsi edolobheni lakoBulawayo ngoba isalungisa imitshina yawo Entumbane njalo kufanele abantu bengabambi intambo zamagesi ngoba engaphenduka loba nini ebalimaze.
Umgcinisihlalo wenkampani yeZESA uMnu. Sidney Gata utshele intathelizindaba ngoMvulo ukuthi ukulungiswa kwemitshina eHwange Thermal Power Station, okungeyinye yembangela yokucitshwa kwamagetsi mahlayana endaweni ezinengi zelizwe, sokufike emaphethelweni njalo sokulindelwe i "synchronization" nje ukuthi isebenze.
Uphinde wabalisa eminye imizamo yokuqeda loluhlupho, egoqela ukulungiswa kwamanye ama units esititshini seHwange, lokusetshenziswa kwama battery ukugcina lokwengezelela amandla amagesi.
Indawo ezicitshelwe amagetsi ngoLwesibli zibalisa e Emakhandeni, Luveve, Gwabalanda, New Lobengula, Njube, Mpopoma, Matshobana, Mabuthweni, Entumbane Complex, Mzilikazi, Trek Mpopoma, NRZ Mpopoma Complex, NOCZIM, Babourfields, esibhedlela seMpilo, eseTB, eUnited College of Education lendawo eziseduzane lalelikolitshi.
Usomabhizimusi wakoBulawayo uMnu, Austin Nkomazana uthi ukucitshwa kwamagesi lokhu kuvele kubathwalise amagabha avuzayo.
Forum