Uhulumende uthi useqinise inhlelo zokuhlola umkhuhlane we mpox endaweni ezintathu lapho eleZimbabwe elingcelelane lamazwe e Zambia, South Africa, leMozambique ukuhlolisisa abaloqhuqho, labaqubuke isikhumba, okuyizibonakaliso ezimqoka ze mpox.
Embikweni owethulwe ngeSonto, ugatsha lukahulumende olubona ngezempilakahle luthi luphathisana lenhlanganiso yamazwe omhlaba eye World Health Organization labanye abaphatheka kuloludaba ukuthi luhlele imizamo yalo yokwenqabela lumkhuhlane.
I mpox, yona esihlasele amazwe eAfrica edlula itshumi lanhlanu, ibikwa ayikahlaseli elizweni njalo okwamanje uhulumende uthi uzaqeqetsha abezempilakahle, alungise imitshina yokuhlola lumkhuhlane njalo abantu bazahlatshwa ijekiseni yokuwenqabela eleZimbabwe lingayithola.
Forum