Uhulumende uthi uselungiselele ukunanza ilanga lamaqhawe alwela ilizwe, iHeroes Day, kusasa emkhosini ozaqhutshwa eHarare lakuzigaba zonke zelizwe lapho okuzabalwa khona umbiko kamongameli Emmerson Mnangagwa.
Umongameli Mnangagwa ubikwa ekhuthaza ukuthi abantu beziphathe kuhle ukwenzela ukuthi izethekeli ezizakuba zikhona emhlanganweni weSADC kuyonale inyanga zamukelele kuhle elizweni.
Usikomitshi wamapholisa uMnu. Godwin Matanga usanda ukuthi kulungile ukuthi amapholisa asegcwele ezitaladini ukwenzela ukuthi bevikele ilizwe njalo belungiselele ilanga le Heroes Day lona elilandulela ele Defence Forces Day, elokunanza imisebenzi yamabutho.
Lokhu kwenzakala abalwela amalungelo abantu kanye labamabandla aphikisayo besithi bayahlukuluzwa njalo bayabotshwa mahlayana, okubonisa ukuthi akulankululeko elizweni
Forum