lngwethi kwezempilakahle sesikhuthaze abesifazana abaqala ukubeletha ukuba bagijimele ezibhedlela lapho beqala ukuhelelwa ukuze umntwana engadinwa ngoba kulakho ukudala ukuba isinye sibhoboke sicine silesilonda. Lokhu kubikwa kubangela ukuba umthambiso ucine uvuza lengcekeza iziphumele santando.
Umkhuhlane we Obstetric Fistula, okuyikubhoboka kwemithambo esendleleni yomntwana okucina kubangela ukuba imithambo yesinye ibhoboke uyelapheka eZimbabwe.
Usikhwicamfundo Solwayo Ngwenya ingcitshi kwezokubelethiswa kwabomama uchaza kabanzi ngefistula.
"Umama oqala ukuzala engahelelwa ukwedlula amahola alitshumi lantathu umntwana ucina esiyaphumula endleleni yakhe ngekhanda okucina kubangela ukuba imithambo yesinye, isibeletho leminye idambe ibelesilonda kubenzima ukuba umama enelise ukubamba ingcekeza zonke eziphuma emzimbeni acine esenukela abantu."
UDokotela Ngwenya uthi iFistula iyelapheka eZimbabwe.
"Ngikhuthaza wonke owesifazana ukuba engzithola elohlupho lokuthi usesehluleka ukuthi umzimba wakhe ubambe ingcekeza aze aye esambuzini agijimele emtholwampilo ngoba iFistula iyelapheka njalo umuntu akumelanga ahelelwe isikhathi eside."
USekhuthaze abesifazana abazithweleyo emaphandleni ukuba behlukane lemithi abangayiphiwanga ezibhedlela uma sebehelelwa.
"Ngikhuthaza omama abazithweleyo ukuba lapho beqala ukuzizwa ukuba umhelo usuqala bagijimele emtholwampilo bayehelelwa besezandleni zabodokotela njalo behlukane lokunatha isihaqa lobulongwe bendlovu ngoba bengahelelwa isikhathi eside bayacina sebele Fistula."
Text:Ukhansila kaWard 16, koBulawayo uNkosikazi Greater Gumede uthi bebengazi ukuthi iFistula iyelapheka njalo sebezananzelela kakhlulu ukulimukisa abesifazana ngalo umkhuhlane.
"Bakhona esiqintinj sami abalodubo lwefistula kodwa besingela lwazi ngalo umkhuhlane. Sesizasala silimukisa uzulu ukuba ayethola usizo emtholwampilo."
Umqondisi wenhlelo kunhlanganiso elwela ilungelo loluntu eyeAmnesty International, uNkosikazi Nokholo Matshazi uthi inhlanganiso yabo ilohlelo lokulimukisa lokwelaphisa iFistula eZimbabwe.
"Siphakathi kohlelo lokuhamba silimukisa uzulu ngomkhuhlane weFistula njalo silabantu esesake sabanceda bayakwelatshwa sebwphilancono."
EZimbaabwe ingcitshi ezelapha iFistula zitholakala esibhedlela se Mashoko Mission Hospital leChinhoyi Hospital.
Abenhlanganiso yamazwe omhlaba ebona ngezempilakahle abe World Health Organization bathi abesifazana abedlula isigidi esisodwa- 1,2 million eAfrica leAsia bale Fistula.
Inhlanganiso yeAmnesty lnternational iphakathi kohlelo lokuhamba ilimukisa uzulu ngomkhuhlane weFistula njalo ithi kubiza inkulungwane ezinhlanu ukuthi owesifazane athole ukwelatshwa.
AbeBambelela Arts Ensemble labo sebelomdlalo olimukisa ngomkhuhlane weFistula.
Forum