Abane abalwela ilungelo loluntu ababotshwe ngeviki edluleyo eHarare ngemva kokukhitshwa endizamtshineni eya eVictoria Falls balokhe bevalelwe esitokisini njalo abakhululwanga ngemali yesibambiso eye bail ngoMvulo njengalokho obekukhangelelwe ngamagqwetha abo.
Abane laba babalisa oMnumzana Samuel Gwenzi, Vusumuzi Moyo and Robson Chere loNkosazana Namatai Kwekweza.
Igqwetha elibamelayo, uMnu. Jeremiah Bhamu utshele iStudio 7 ukuthi uMnu. Chere ulimele kakhulu njalo baziswe ukuba engelatshwa ngoLwesibili kumbe ngoLwesine kuphela sokulodokotela wejele.
Uthi ukulimala kukaMnu. Chere kungaphazamisa ukusebenza kwenziso zakhe. Wengeze wathi abatshutshisi bayaphathana ngabomo emthethwandaba kuze kusale kungelasikhathi esenelyo esokukhuluma nge bail.
Abanye abalokhe besesitokisini babalisa abebandla leCCC abedlula amatshumi ayisikhombisa lanhlanu eHarare ababotshwa ngenyanga kaNhlangula, uMnu. Promise Munkuli eHwange, uMmeli Moyo koBulawayo, lesizalwane se Czech eMasvingo uMnumzana Lukas Slavia, obikwa wayesethula imbiko engamanga. Ukuhlaziya loludaba sixoxe loMnu. Mbuso Fuzwayo, olwela ilungelo loluntu njalo engumqondisi wenhlanganiso yeIbhetshu Likazulu.
Forum