Kusungulwa Umhlangano weRepublican National Convention

Ozancintisa kukhetho lukamongameli weleMelika emele ibandla lamaRepublican uMnu Donald Trump, usekhethe uSenetha weOhio, uMnu UMnu. James David Vance ukuthi abe ngumsekeli wakhe kukhetho lukamongameli oluzaqhutshwa ngoLwezi.

Lokhu kwaziswe nguMnu Trump enkundleni yakhe yokuxhumana ebulenjini be-internet eyeTruth Social.

UMnu Vance wayesola kakhulu uTrump kukhetho luka 2016 kodwa waseguqula umbono wakhe esithi uTrump waveza ukuba ngumkhokheli woqotho ngesikhathi engumongameli weleMelika.

Lokhu kuza kulandela ukusungulwa komhlangano omkhulu owebandla lamaRepublicans oweRepublican National Convention, osungulwe ngoMvulo eMilwaukee eWisconsin.

Umkhankaso kaTrump ubukhangelane lendubo ezitshiyeneyo kulandela ukudutshulwa kwakhe esemkhankasweni wakhe ePennsylvania ngoMgqibelo.

Isehlakalo lesi sibulalise umuntu oyedwa kwalimala abanye ababili.

Kulandela isehlakalo lesi umongameli Joe Biden ukhuthaze izizalwane zeleMelika ukuthi zibambane ziphikisana lodlakela elizweni.

UMnu Thabang Nare oyisizalwane seZimbabwe esihlala eMelika, uthi abanengi eMelika bakhulekela ukuthi kube lokuthula kukhetho lukamongameli.

Embed share

Ingxoxo loMnu Thabang Nare.

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:41 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala