Ukuthoniswa Kwamacala kaMnu. Donald Trump Angu 34 Sekufike Emaphethelweni Ehluzwa Lidale le Jury

Idale le jury liqale namuhla ukuhluza ubufakazi kucala eletheswa owayengumongameli, uMnu. Donald Trump elokufumbathisa imali engamadola azinkulungwane ezilikhulu lamatshumi amathathu, $130 000, untombazana ophila ngokuziveza umzimba emphakathini, u-Stormy Daniels.

Lokhu kulandela ubufakazi obethulwa ngabantu abambalwa abagoqela u-Stormy lowayeligqwetha lakhe, uMnu. Michael Cohen, onguye owanikeza u-Stormy imali le labanye.

U-Cohen wavuma ukuthi wasebenzisa imali yakhe ukuze kungaveli ukuthi yayingeyokuvala umlomo ka Stormy ukuthi angavezi ukuthi waya ecansini lo Trump.

Ekuthoniseni umhleli wephephandaba elithiwa the National Enquirer, uMnu. David Pecker, kwavela ukuba u-Trump wayebhadala intathelizindaba ukuthi zihlambaze uNkosikazi Hillary Clinton.

Idale le jury, elilabantu abalitshumi lambili likhangelelwe ukuhluza amacala angamatshumi amathathu lane awetheswa u-Trump.

Isinqumo sikhangelelwe ukuphuma ngasiphi isikhathi. Ukuhlaziya loludaba sixoxe lolandela ezombusazwe weleMelika, uMnu. Tim Muringai.

Embed share

Ingxoxo loMnu. Tim Muringai.

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:41 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala