Ingcwethi kwezenotho edumileyo eMelika uMnu Steve Hanke ofundisa ekolitshini leJohn Hopkins uthi imali yeZimbabwe entsha eyeZimbabwe Gold kumbe ZiG ngeyesine kuluhlu lwemali zamazwe omhlaba eziswela amandla ngesiqubu.
Amazwe amathathu akhokhelayo ngathi iSudan, South Sudan leCuba.
Uhulumende ngenyanga edluleyo usungule imali entsha esekelwa ligolide ngenhloso yokumisa ukuswela amandla kwemali yeZimbabwe.
Ingcwethi kwezenotho zithi ukusungula imali entsha akusoze kumise ukuswela amandla kwemali yelizwe njengoba kungayisikho kwakuqala kusungulwa imali entsha eZimbabwe.
Izolo iWorld Bank ikhuphe umbiko othi iZimbabwe ngelinye lamazwe azadonsa nzima kwezenotho lonyaka.
Kodwa uMnu Stevenson Dlamini ofundisa ekolitshini leNational University of Science and Technology, NUST uthi inani lokuswela amandla kwemali yeZimbabwe elikhutshwe nguMnu Hanke liphezulu kakhulu.
Forum