Isigaba seleMelika ese Florida sesiqale umthetho obopha abesifazane abasusa izisu esezedlule amaviki ayisithupha.
Kumkhankaso wokhetho lokudinga umongameli olwalumnyaka owayengumongameli uMnu. Donald Trump uvikela umbono wakhe wokuthi izigaba ziphiwe amandla wokukhetha ukuthi udaba lokukhipha izisu luphathwe njani.
Umomgameli Joe Biden uthi ukupha izigaba lumlandu lufaka abesifazane engozini.
Umkhankaso ka Biden ufaka udaba lwelungelo lokuzala emqoka. Umsekeli ka Biden, Unkosikazi Kamala Harris ukhankase esigabeni se Florida ngelanga lumthetho oqale ngalo.
"Le yimpi yenkululeko. Isiqokoqela sokuzikhethela ukuthi umuntu ufuna ukwenzani ngomzimba wakhe hatshi ukutshelwa nguhulumende okokwenza."
Umthetho omutsha wesigaba seFlorida ngomunye wemithetho oncindezelayo osubangele ukuthi kube lemizamo yokufaka loludaba emaphepheni okuvota ukuze kube lomthetho kusisekelo sombuso walesi sigaba.
Izigaba zeleMelika zibumba imithetho yokukhipha isisu ngoba umthetho owethulwa ngumthethwandaba ophakemeyo we Supreme wesula imithetho yesizwe eyayivimba ukuthi izigaba zingathathi amanyathelo ngodaba lokususa izisu.
U-Trump wakhetha abahluli abathathu kulabo abayisithupha abagenqula lumthetho okubangela ukuthi u-Harris athi kumele abavoti bamjezise u-Trump ngalokho.
"Elizweni jikelele sibona izigaba ngezigaba zelizwe zihlaselwa phezu kodaba lwelungelo lokuzithwala kumbe ukususa isisu. Siyamazi esimele simsole. Owayengumongameli, uMnu. Donald Trump nguye owabangela lokhu."
Lanxa u-Trump esithi umthetho omutsha we Florida ulukhuni, uyake aziqhenye ngodaba lokuthi izigaba zizithathele amanyathelo kudaba lokukhipha izisu.
Yintando kazulu, uchasise enkundleni yakhe yokuxhumana ngenyanga edluleyo.
Kutsho u-Trump: “Izigaba zizakuba zisehlukene. Ezinye zizakuba lamaviki ahlukeneyo, ezinye zibe lemithetho ekhululekileyo, yikho okuzenzakala. Okusalayo yikuthi yintatndo kazulu. Kumele ulandele okusenhliziyweni zenu, kwesinye isikhathi, okokholo lwakho.”
Kwesinye isibhedlela e- Fort Pierce, esigabeni se Florida, esinye isigulane sithi sesabela ukuthi umthetho omutsha uzabangela ukufa kwabesifazane abasakhulayo.
“Ngibona ukubhubha kwabanengi mpela ngoba amaviki ayisithupha, kambe sure, ngoba amaviki ayisithuphaawamanengi. Ngiyazi ukususa izisu sokuzenziwa ensitha. Kuyabe kungalunganga.”
Umnini wekilinika, -Candace Dye uthi kwaba labesifazane abanengi umthetho wamaviki ayisithupha ungakaqali.
“Amantombazana amanengi ayabe engazi ukuthi azithwele kuzekufike amaviki ayisithupha. Uyazi, bacabanga ukuthi abazithwalanga kuze kwedlule inyanga ngoba bengayanga esikhathini. Besesivivinya ngomtshina we ultra sound. Lapho kuyabe sokwedlule inyanga eziyisithupha.”
Phandle kwamakilinika asusa izisu abalwela ukuthi kungazavunyelwa ukususa izisu bayazama ukukhuluma labangena phakathi kwalezindawo. U-Tammy Hall uyalandisa.
“Ngilapha ngoba ukususa isisu kwangilimaza, ngokunjalo, angifuni ukubona abanye amantombazana balimale ngokususa izisu. Bayangena nje emnyango kodwa sebephuma bayabe bengasafani lakuqala.”
Lanxa ukumisa ukususwa kwezisu kusipha idlabuzane abavoti bebandla lama Republicans, u-Trump uyakwazi ukuthi lolu ludaba oluqakathekileyo kukhetho lokudinga umongameli oluezindala zombili.
“Ubolandela okusenhliziyweni yakho, kodwa sizanqoba. Kumele sinqobe. Njengesizwe siyehluleka, kodwa kuzaphela konke lokhu. Sizokwakha isizwe sethu sibe lesisindo njalo.”
U-Harris uthi abanye baka Trump kubandla lama Republicans abakudale le congress bafuna kumiswe ukususa isisu elizweni jikelele.
U-Trump uthi akunjalo ngoba izigaba sezingazikhethela ukuthi zithathe nyathelo bani.
Forum