Amapholisa ngoMvulo ethule uluhlu lwamabizo abantu abalitshumi lasitshiyagalolunye-19 ababikwa babotshwa bethengisa kumbe besebenzisa izidakamizwa njalo asebegwetshelwe ukupika ejele ngenjongo yokuqeda lumkhuba.
Umbiko owethulwe yisikhulumeli samapholisa elizweni uMnu. Paul Nyathi uveza ukuba ababotshiweyo laba bethulelwe izigwebo eziphakathi kwenyanga ezilitshumi lasitshiyangalombili ejele-19 kusehla kusiya kwezokusebenzela umphakathi okwamanani amahola ehlukeneyo kumbe ukubhadala imali yefayindi.
Izidakamizwa lezi zibalisa utshwala obuthengiswa ngokungekho emthethweni,i-cocaine, ihaute energie, umuthi wokuvikela uphepha owe bronclear cough syrup, insangu, lezinye izidakamizwa eziyingozi.
Isikhulumeli samapholisa koBulawayo uMnu Abednico Ncube uthi kubotshwe abantu abane kunsuku ezintathu ezedluleyo kulelidolobho, ngoba betholakale belensangu eziyisilinganiso esingamakhulu amathathu, njalo yizo ezidakamizwa ezisetshenziswa kakhulu kuleyondawo.
Uthi amapholisa asizwe yizinja zawo ezilobuciko bokuthungatha umkhondo wezidakamizwa, ama sniffer dogs, lezakhamizi esezabumba amakhomithi okwenqabela ukumemetheka kwaloluhlupho ngesizathu sokuvikela imndeni yazo lomphakathi.
Asizweni uMnu. Ncube echasisa ngemizamo yamapholisa eyokulwisana lokuntshontshwa kwezifuyo.
Forum