Amapholisa athi kulabantu abayithoba munwe munye abafe ngemva kokuba ibhasi yako City Bus lingqikilane lenye ibhasi eyako Blue Circle eBeitbbridge lbanye abahlanu abafe eNorton kwenye njalo ingozi yemota.
Amapholisa athi umtshayeli webhasi ye City Bus ubezama ukuvika ubabhemi waseqondana lebhasi yako Blue Circle kwafa abantu abayisikhombisa khonapho ababili babhubhele esibhedlela.
Amapholisa athi abalimeleyo basiwe esibhedlela se Beitbridge okuyikho njalo okulezidumbu zabafileyo.
Amapholisa ethule amagama abahlanu abafileyo engozini le abathiwa; Taurayi Muketiwa, Rangariya Mbizvo, Miriam Majengu lo Clever Chikare.
Kuthi eNorton amapholisa athi imota yohlobo lwe Toyota Aqua ingqikilane le truck yohlobo lwe Honman Sino Truck kwafa abantu abahlanu khonaphokhonapho.
Amagama abo ngu; Tsungirayi Joe, Mitchele Matitsha, Sithabile Nothando Moyo, Everjoice Ngwenya lo Lesley Mugwidi.
Amapholisa akhuthaza abatshayeli ukuthi bengagijimisi amabhasi ngesiqubu lokuthi bengatshayeli ebusuku.
Sixoxe locubungula ezombusazwe, uMnu. Thandeko Zinti Mkandla saqala ngombuza ukuthi kungenziwani ukwehlisa inani lalezingozi?
Forum