Owayengumeli weZengeza West edale lePhalamende njalo elilunga leCCC uMnu Job Sikhala ulele endlini yakhe lemuli yakhe okwakuqala eminyakeni phose emibili izolo ngemva kokukhululwa ngumthethwandaba kamantshi.
USikhala uphuma ejele ibandla lakhe likhanya selidabukene Phakathi kulandela ukukhalala komkhokheli walo uMnu Nelson Chamisa, yena owazise ngeviki edluleyo ukuthi usephumile kuCCC.
Umbuzo osusemlonyeni wabanengi ngothi, uzakuya kweliphi icele uMnu. Job Sikhala?
U-Sikhala ufunyanwe elecala lokutshetshozela udlakela lomunye wakhe uMnu Godfrey Sithole njalo betheswa isigwebo sokupika okweminyaka emibili.
Kodwa umantshi usuke wabeka isigwebo lesi eceleni izolo esithi uSikhala usehlale okwesikhathi eside evalelwe eChikurubi Maximum Prison, ngakh okumele akhululwe ndawonye loSithole.
Kodwa ubaxwayise ukuthi akumelanga badale icala elifanayo eminyakeni emihlanu elandelayo.
Sixoxe lelunga lalelibandla uMnu Tim Muringai.
.
Forum