Ugatsha lukahulumende olubona ngezempilakahle luthi inani labantu abahlaselwa ngumkhuhlane wesihudo owe cholera liyakhuphuka elizweni njalo abantu abangamakhulu amabili lamatshumi amabili lanhlanu 225, bahlaselwe yiwo ngelanga elilodwa eledluleyo.
Embikweni owethulwe lamuhla, ugatsha lolu luthi imbangela yikubuthana lokudla lapho kubhujiwe. Soluxwayise abantu ukuthi bazise uhulumende ngemfa ezicatshangelwa ukuthi zibangelwa yi cholera ukwenzela ukuthi izisebenzi zakhe kube yizo ezingcwaba abantu laba.
Ugatsha lwezempilakahle luthi umkhuhlane lo usubulale abantu abangamakhululu amathathu lamatshumi amane 340, njalo kucatshangelwa ukuthi abafika phose inkulungwane ezingamatshumi amabili nineteen thousand and ninety balecholera kukanti kuyazakala ukuthi ngempela abedlula inkulungwane ezimbili lamakhululu amabili two thousand, two hundred and thirty one balawo.
Ukuze sizwe ukuthi kwenzakalani koBulawayo, sixoxe lomsekeli kamayor walelidolobho uKhansila Edwin Ndlovu, yena othi balenhlelo zokwenqabela icholera lanxa ingakamemetheki kulelidolobho ezibalisa ukususa abathengisa labathwala abantu ngezimota ngokungekho emthethweni, kunye lokuxwayisa abantu ngalumkhuhlane lokuthi belondoloze amanzi amalutshwana akhona.
Uthi labo abalempawu zalumkhuhlane kufanele bayekwelatshwa njalo behlaliswe bodwa endaweni ezihlelwe yikhansili ezama isolation centres agoqela isibhedlela seThorngrove.
Forum