Amakhansila lamalunga edale lephalamende awebandla le CCC alandule uluhlu olwethulwe lixuku elisekela uMnu. Sengezo Tshabangu elitshiengisa ukuthi baphathisa umhlangano wokuphawula umkhankaso wokhetho lwe by election.
Amanye amakhansila lamalunga edale lephlamende bathi bamangele bebona uluhlu lwakhona olutshengisa ukuthi baphathisa ngani umhlangano owenzelwa elokitshini le-tshabalala.
Uluhlu lolu luveze uncedo oluthiwa lwaphiwa umkhankaso ka tembo olugoqela ukudla, imali, onamnede lamanzi.
Amanye amakhansila akhulume le Studio Seven athe athenjiswa ukuxotshwa ebandleni engekela ukuphathisa lumkhankaso.
U-Tshabangu lexuku lakhe bathi bafuna ukuthi u-Tembo ancintise hatshi uMnu. Gift Ostallos Siziba owayenqobile kulesi sigaba wasexotshwa edale lephalamende.
U-Siziba wafaka amaphepha akhe okuncintisa emele ibandla kodwa yena labanye abangamatshumi amabili lambili sebehaniswe emthethwandaba ukuthi bangancintisi bemele ibandla le CCC.
Omunye wama senatha okuthi baphathisa lumkhankaso kodwa besala ukuthi benza lokhu ngu senetha we Bulilima, uMnu. Solani Njemnyama Moyo okuthiwa waphathisa ngamafutha ezimota afika amalitha alikhulu, 100 liters kodwa yena uyakulandula lokhu.
Njengoba iStudio Seven ingasekeli hlangothi, sixoxe lomunye wabasebenza loMnu. Sengezo Tshabangu, uMnu. Albert Mhlanga yena othi oseveze loluluhlu, basop!
Forum