Inhlanganiso egugquzela ukukhumisana umlotha kudaba lwe-Gukurahundi, eye PIST, ithi akumelanga izinduna zikhokhele loluhlelo kodwa kumele kulandelwe isisekelo sombuso welizwe.
UMongameli Mnangagwa wapha induna zomdabo umlandu wokukhokhela loluhlelo ezigabeni zelizwe zonke.
Umkhokheli we pist, uMnu. Felix Magalela Mafa Sibanda, njalo ongumsekeli wesikhulumeli sebandla le CCC, utshele iStudio Seven ukuthi isisekelo sombuso welizwe sikubeka sobola ukuthi kumele kuthathwe nyathelo bani ukue kukhunyiswane umlotha hatshi ukuthi induna zibe yizo eziphambili ngoba lazo zathinteka kumbhuqazwe lo.
Lokhe sikudaba lunye, ibandla le MRP lithi alilathemba lokuthi uhlelo olokhokhelwa zinduna olokukhulumisana nge Gukurahundi luzaphumelela ngoba intathelizindaba zingasoze zivunyelwe mhlanganweni ezenziwa.
Sixoxe losaphethe isikhundla sikanobhala jikelele wecele lebandla le MRP elikhokhelwa nguMnu. Mqondisi Moyo, uNkosazana Khethiwe Bhebhe.
Forum