Abebutho ele Israeli babikwa beqhubeke Ngolwesithathu, behlasela kakubi esigabeni seGaza Strip, ngaphambilini kokwethekelela kwesiphathamandla sesigodlo sikamongameli weMelika ese White House, olujonge ukuyacanda inkulumo zokuthi impi phakathi kwele Israel leqembu labebutho ele Hamas lakwele Palestine ingamiswa njani.
Lokhu kwenziwa phansi kwemizamo yokuvikela lokuphathisa abantu makhaza besiPalestina abangahlomanga abayibo asebethinteke kakhulu ngalimpi, ikakhulu abesifazane, asebekhulile labantwana.
Isikhulumeli sohlangothi lwezomvikela eWhite House uJohn Kirby utshele intathelizindaba ukuba umcebisi omkhulu owe White House umnumzana Jake Sullivan, usukume Ngolwesine, elubhekise kwele Israel ukuyaqhuba lezi nkulumo zokudinga indlela zokumisa limpi.
U-Sullivan ukhangelelwe ukugcizelela inkuthazo eyenziwa yiMelika yokuthi ele Israel, livumele ukungena koncedo lokudla imithi yokwelapha abalimeleyo lezembatho eGaza, kusetshenziswa isigaba ese Kerem Shalom.
Limizamo ibikwa inganceda ukuthi loluncedo lungene lulunengi lungezelela kulolo olungenga emangweni oweRafah.
Ele Israel liqalise ukukhangelisisa izimotha ezithwele uncedo eKerem Shalom, kodwa zingavunyelwa ukucaphela eGaza ziqondiswa ukuya eRafah.
Kuhambo lwakhe lolu uSullivan uqalele kwele Saudi Arabia, lapho abikwa enze inkulumo lomkhokheli walelo lizwe uPrince Mohammed bin Salman, zokuthi kungenziwani ukumisa ukufuthelana phakathi kwabantu bakwele Israel labePalestina.
Forum