Amakhansila aweHarare avote ekhetha uMnu Lovejoy Chitengu ukuba ngu Meya wedolobho leli Ngolwesibili. U-Nkosazana Rosemary Muronda yena ukhethwe ukuba ngumsekeli wakhe.
Ukukhethwa kwababili laba kuza ngemva kokuxotshiswa ezikhundleni lezo kukaMnu Ian Makone lomsekeli wakhe uNkosikazi Kudzai Kadzombe, ngozithi usaphethe isikhundla sikanobhala jikelele webandla eliphikisayo eleCCC, umnumzana Sengezo Tshabangu.
Ekhuluma lentathelizindaba usenguMeya omutsha oweHarare, uChitengu utshele intathelizindaba ukuba kuyadanisa ukuba idolobho leli liqhubeka likhetha osodolobho ngenxa yokuxotshwa kwabantu esithi ulethemba ukuba idale lizaphendukisa uMakone.
"Kuyadanisa ukuba sikhethiwe bevele bekhona ababekulezi zikhundla. Sithemba ukuba bazaphendukiswa ngu mthethwandaba "
Ingcwethi ecubungula ezombusazwe esebenza le Africa Leader Network uMnu Tawanda Gumbo uthi lokhu kuzaphazamisa umsebenzi wedolobho leli.
"Kusobala ukuba lokhu kuzaphazamisa indlela idolobho leli elisebenza ngalo nxa inkokheli iqhubeke iguqulwa "
UMakone loNkosikazi Kadzombe, ngabanye babantu abaxotshiswa ezikhundleni abakizo ngemva kokuvotelwa ukuba ngamakhansila nguzulu kukhetho lukaNcwabakazi nguTshabangu.
Okwamanje kulamalunga angamatshumi amane lambili-42, awephalamende asewaxotshisile edale leNational Asssembly leleSenate. Kuthi amakhansila asewaxotshisile asengamatshumi phose ayisikhombisa-69 elizweni lonke jikelele.
Forum