Lanxa isinqumo esethulwa ngumthethwandaba waphezulu owe High Court sisithi amalunga edale lephalamende awebandla eliphikisayo ele Citizens’ Coalition for Change ake ame ukuxotshiswa eNational Assembly leSenate, ngozithi ungunobhala jikelele walelo bandla uMnu. Sengezo Tshabangu, sokulamanye amalunga asexotshisiwe njalo emadale lawa ngoLwesibili.
Edale leSenate kuxotshiswe amalunga amahlanu aweCCC abagoqela omnumzana Jameson Timba, Webster Maondera, loNkosikazi Vongai Tome.
Edale eleNational Assembly, umlawuli waleli dale umnumzana Jacob Mudenda, uxotshe amalunga alitshumi lantathu, esithi ukwenze lokhu engakaboni isinqumo somthethwandaba weHigh Court. Kodwa wathi angasithola lesi sinqumo bonke abaxotshiweyo bazabiselwa.
Okhokhela iqula lamalunga asedale lephalamende awe CCC umnumzana Amos Chibaya, ukhulume leStudio 7, wavuma ukuba ngempela ungomjunye wabaxotshiweyo lanxa kulesinqumo seHigh Court sokuthi bake bame ukuxotshwa.
Abe CCC bakhweze emithethwandaba udaba lokuthi uTshabangu, ozithi ungunobhala jikelele walelo bandla kay8isilo lunga labo, ngakhoke akalamandla loba ilungelo lokuxotshisa edale amalunga abo akhethwa nguzulu kukhetho lukaNcwabakazi.
Abanye abaxotshwe Ngolwesibili, edale leNational Assembly bagoqela umsekeli wesikhulumeli seCCC, omnumzana Gift Ostallos Siziba, Admore Chievero, Stephen Chatiza, Oliver Mutasa labanye.
Imizamo yeStudio 7 yokuzwa umbono kaTshabangu kumbe umnumzana Khaliphani Pugeni, isikhulumeli sakhe, ibe liphutha njengoba bebengasabeli incingo zabo.
Ekhuluma leStudio 7 ngempelasonto, uPhugeni uvumile ukuthi kwaba liphutha ukuxotshiswa kwamanye amalunga edale lephalamende kuluhlu lwakuqala, esithi basahlolisisa ukuthi bangalobela epalamende ukuze leli phutha lilungisiswe. vari kuzvigadzirisa kuti nhengo idzi dzidzorerwe pazvigaro zvadzo.
Forum