Inkulungwane zamaPhalestina ziqhubekela phambili zibaleka endaweni elempi esihlengeni seGaza, ngesikhathi impi phakathi kweIsrael, lebutho leHamas elifakwe kuluhlu lwenhlanganiso zamaterrorist nguhulumende weMelika.
Umqondisi wenhlanganiso yamazwe omhlaba eyezempilakahle eyeWorld Health Organisation (WHO) UMnu Tedros Adhanom Ghebreyesus uthi isibhedlela esikhulu seGaza eseShifa asisasebenzi osekufaka izigulane labalimeleyo engozini.
Inhloko kahulumende weIsrael umnu Benjamin Netanyahu yena uthi iHamas imisa ukukhutshwa kwezigulane ezibhedlela zeGaza. Kubikwa kulezigulane ezine kanye losane abafele esibhedlela seShifa ngemva kokuphela kwamafutha emota kuma-generator.
Abantu abafika phose inkulungwane lengxenye kubikwa bafa e-Israel kulandela ukuhlasela kweHamas mhlaka 7 Mfumfu, kukanti uhlangothi lwezempilakahle olukhokhelwa yi-Hamas luthi eGaza sekufe abantu abazinkulungwane ezilitshumi lanye (11 000), abanengi kungabesifazane kanye labantwana.
Ingcwethi yezombusazwe njalo elwela amalungelo oluntu ephansi kwenhlanganiso yabathengi eye National Consumer Rights Association (NACORA) umnu, Effort Dlela Ncube ukhuthaze amacele omabili ukuthi adinge indlela zokumisa impi ukuze kuvikelwe amalungelo abantu makhaza labantwana.
Forum