Uhulumende lonyaka ubike ukuba ezakupha izisebenzi zakhe imali yebhonasi efika kusilinganiso sokuphethwe kabili-100%, kuholo lamadola eMelika kanye laweZimbabwe.
Ibhonasi le izaqala ukubhadalwa kuyonalinyanga ibisiqediswa ngenyanga kaMpalakazi. Izisebenzi zikahulumende zonke zibikwa zizaphiwa ibhonasi le ngasikhathi sinye kunyanga ezimbili lezi.
Isinqumo lesi sithethwe emhlanganweni oqhutshwe phakati kwabameli bezisebenzi labakahulumende owe National Joint Negotiating Council oqhutshwe ngoLwesihlanu eHarare.
IStudio 7 ixoxe lomgcinisihlalo wenhlanganiso emela izisebenzi zikahulumende eyeZimbabwe Confederation of Public Sector Trade Unions uNkosikazi Cecilia Alexander othe bamukele ngenjabulo libhonasi.
“Namuhla sihlale phansi lohulumende, siphansi kweNJNC sikhuluma ngebonus yezisebenzi zikahulumende yalonyaka. Kuzabhadalwa ingxenye yakuqala ngoLwezi kuthi eyinye ingxenye ngoMpalakazi. Sivumelane ukuthi ibonus izabhadalwa iyi-100 percent eyomholo weUS Dollar kanye lowe Zim Dollar.”
Uhulumende kumaviki edluleyo wethembisa ukuba uzakupha izisebenzi zakhe ibhonasi, njalo izisebenzi zakhe besezimelele ukuza ukuthi libhonasi izakuba ibhadalwa njani.
Forum