Kulabalitshumi ababhalise phansi kwebandla leCitizens Coalition for Change ukuze bancintise kukhetho lokudinga amalunga edale lephalamende ezigabeni ezinhlanu.
Abebandla leZAPU bona behlulekile ukuhlawula ebulenjini laloba bebelethe amaphepha eneleyo ngesikhathi. Kuthi abeEFF bebelethe umuntu oyedwa kodwa amaphepha akhe abengeneli, waswela lesikhathi sokuhlawula inkundla ingakavali.
Abebandla leCitizens Coalition for Change babhaliswe bekumacele amabili. Icele lozithi ngunobhala waleli bandla uMnu. Sengezo Tshabangu onguye owaxotshisa amalunga aweCCC edale lephalamende libhalise amalunga amahlanu, lalabo abaxotshiswayo abahlanu.
UNkosazana Sithabile Mlilo omela abesifazana kubandla leCCC uchaza isizatho sokufaka njalo labo ababexotshiwe.
"Thina njengebandla leCCC sibuyisele amalunga ethu eyevele ekhethwe nguzulu njalo sizabona ukuthi ngubani ofunwa nguzulu lozakuya edale."
Idale leNomination Court, koBulawayo belikhokhelwa nguNkosikazi Mavis Mudiwakure yenake ochasisa okwenzakale lamhlanje.
"Sithole amaphepha asuka kubandla leZAPU, iCCC iZANU-PF iDOP, iEFF lozimeleyo angamatshumi amabili lantathu-23 kodwa kuphumelele abalitshumi lasitshiyangalombili-18 abanye behlulekile ukubhadala ngesikhathi lokuletha incwadi izifunakalayo idale lenomination laze lavala kodwa sizamile ukubalinda kodwa bazehlulekel."
Umqondisi wezokhetho kukhomishini ebona ngezokhetho eyeZEC, uMnu Utloile Silayigwana uchasisa okuzakwenzakala ngemva kweNomination Court.
"Idale lenomination Court liqale kuhle ezweni jikelele lapho ebesilamanominations khona njalo njengeZEC sicela ukthula ngesikhathi senomination lalapho kukhankaswa langesikhathi sekuvotwa ngoba ukuvota asompi."
UBulawayo ukhangelele ukuba lokhetho njalo lwamakhansila amane labesifazana abane abeProportional Representation.
UKhansila Donaldson Mabutho owayexotshiwe uthi wenelisile ukuphanyeka amaphepha akhe edale leNomination Court.
"Siqale ukulolonga amaphepha ethu izolo njalo konke kuhambe kuhle. Lamhlanje besesilinde ukuzwa ukuba singenile kuhle ngoba langesikhathi siphanyeka amaphepha ethu eZEC asizange sibelodubo."
UMabhalane weDemocratic Official Party,(DOP), uMnu Khumbulani Peter Nyoni uthi benelise ukufaka amalunga edale amabili.
"INomination Court ihambe kuhle njalo senelise ukufaka amalunga amabili edale besingalungiselelanga kahle kodwa konke kuhambe kuhle sisebenze kuhle leZEC."
Kulandela isimezezelo sokubiza amaBy-Election nguMongameli Emmerson Mnangagwa kunyanga edlule iZEC layo yenze isimemezelo sokunxusa abalesifiso sokunncintisa kukhetho oluzakwenziwa mhlaka 9 Mpalakazi.
Idalle leNomination Court lamukele amaphepha abantu abangamatshumi amabili lantathu-23, Ngolwesibili. Phakathi kwalaba bantu abaphumeleleyo ukubhalisa ngabalitshumi lasificaminwe mibili-18. Amabandla ezombusazwe enelise ukungenisa amaphepha emukelwa konke lenhlawulo abalisa, iZanu PF lamacele womab ili aweCCC.
Ngolwesithathu idale leNominatin Court, lazise ukuba lizavula liphinde linamathisele amabizo abazangena kukhetho eminyango.
Bulawayo South Constituency kungene uModi Raj Zanu PF, Sithole James CCC, Watson Nicola CCC, Cowdry Park constituency kungene uMujeyi Athur Zanu PF,Sibanda Pashor Raphel CCC, Chirwa Vusimusi of CCC.
Lobengula Magwegwe kungene uDube Nedziva Zanu PF,Gono Eric CCC,Nyathi Tendai Chitura of CCC. Mpopoma Mzilikazi constituency kungene uKamamba Dzingai (Zanu PF), Makaza Desmond CCC, Sibands Blessing DOP, Moyo Charles CCC. UTapfumaneyi Pardon uzimele
Nketa constituency kungene uGwetu Luckmore DOP,Manduna obert ccc,Mavhunga Albert Tawanda zanu pf party,Sibindi Ambrose of CCC.
Forum