Impi yeIsrael leHamas Isifikise Inyanga iUN Ikhala Ngokubulawa Kwabantwana eGaza Strip

Kwanela inyanga egcweleyo namuhla kuqhamuke impi phakathi kweHamas leIsrael, umanyano weUnited Nations ukhala ngokuthi liyanda inani labantu makhaza labantwana ababulawa ngamabhomba eIsrael eGaza Strip.

Unobhala jikelele womanyano lo uMnu Antonio Guterres utshele intathelizindaba eNew York ngoMvulo ukuthi kumele iHamas leIsrael zibeke phansi izikhali ukuze kuphathiswe abantu abadinga usizo oluphuthumayo kulindawo.

UMongameli Joe Biden weMelika yena ubikwa ekhulume lomholi weIsrael uMnu Benjamin Netanyahu ngoMvulo mayelana ngokumisa limpi.

Kusenjalo owake waba nguMongameli weMelika uMnu Donald Trump umiswe enkantolo eNew York esetheswa icala lokuqamba amanga ngenotho yakhe ukuze ethole izikwelede emabhanga.

Esipha ubufakazi phambi uTrump uchothoze umahluli lomtshutshisi esithi ngabantu abamzondayo abamhlukuluza nje ngendaba zombusazwe.

Olandela ezombusazwe zaseMelika uMnu Effie Dlela Ncube uthi yinto enhle ukubona uTrump esima phambi komthethwandaba eziphendulela kumacala awetheswayo.

Embed share

Ingxoxo loMnu Effie Dlela Ncube

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:26 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala