Amabutho akweleIsrael abhombe imota ebikwa ibithwele izigulane, i-ambulance, eGaza, ngoLwesihlanu abulala abantu abalitshumi lanhlanu, ngokutsho kweHamas, yona elwisana lebutho lase-Israel.
Kubikwa kulimele abantu abangamatshumi ayisithupha, 60.
Uhulumende weIsrael uthi imota le ibithwele amabutho eHamas, kodwa iqembu leHamas lona liyakulandula lokhu lisithi i-ambulance le ibithwele abantu makhaza abalinyazwe ngamabhomba eIsrael.
Impi le iqale mhlaka 7 ngenyanga edluleyo ngemva kokuba iqembu leHamas, lona elilawula isigaba seGaza, ePalestine, lihlasele ilizwe laseIsrael ngamabhombha njalo amabutho alo athumba abantu bakulelolizwe.
EleIsrael liphendisele ngolaka seliphindisela labhombha indawo ezinengi eGaza, empini elokhe iqhubeka futhi esibulalise inkulungwane lenkulungwana zabantu kunhlangothi zombili.
Unobhala obona ngobudlelwano beMelika lamanye amaze uMnu Anthony Blinken ubeseIsrael kuliviki ekhulumisana lomkhokheli walelolizwe uMnu Benjamin Netanyahu ecela ukuthi eleIsrael like lime kancane ukuhlasela eGaza ukuze kunakekelwe abantu makhaza abadinga usizo oluphuthumayo.
Forum