Inhlanganiso ebona ngezamabhizimusi akwele China elizweni, eye Chinese Enterprises in Zimbabwe iqoqe umbukiso wokuhlanganisa abaqatshi labadinga umsebenzi, owe China Job Fair owenzelwe eHarare.
Embukisweni lo, amankampani akwele China abe ezama ukukhanga uzulu waseZimbabwe ukuba abhalele ukuba athole ukuqatshwa ngamankampani lawa.
Amankampani amanengi akwele China akhanga abantu kundawo ezifana lezokwemba, ukulungiswa kwempahla ezitsheyeneyo, ezokulima lokunye.
Isikhulumeli samankampani akwele China kuleli uMnu Tichaona Zindoga uchasise ngumbukiso waNgolwesihlanu.
"Amabhizimusi ethu afuna ukuba uzulu we Zimbabwe athole imsebenzi kungelani lalokho lokuba benelisa msebenzi bani, yikho esikwenzela umbuthano wanamhlanje"
Ele China lithi selilethe imsebenzi efika ikhulu lenkulungwane kuleli 100 000 kodwa ingcitshi zithi abakwele China bephula amalungelo oluntu lokungabhadali kuhle izisebenzi.
Lokhu kugcizelelwe ngenye ingcitshi ezimeleyo uMnu Ronald Sibindi yena othi kumele ele Zimbabwe liqaphele imisebenzi yabakwele China kuleli.
"Kumele uzulu we Zimbabwe ananzelele ama China lawa. Kumele Uhulumende abeke imthetho yokuba bengancindezeli uzulu"
Ele China liyakulandula lokhu lisithi lilobungane obukhulu lele Zimbabwe njalo lifisa ukuqhubeka lisebenza ukuvuselela umnotho wakuleli.
Forum