WASHINGTON DC —
Umkhokheli wenhlanganiso yabembi eyeZimbabwe Miners Federation uHenrietta Rushwaya ufunyanwe yinkantolo ngoLwesine elecala lokuzama ukuphuma elizweni ngudlu legolide elilesisindo sama-kilogram ayisithupha, 6kg, elalibiza imali yakweleMelika engangeUS$ 333,000.
URushwaya ubotshwe ngomnyaka ka2020 eseRobert Gabriel Mugabe International Airport emelele ukugada indizamtshina esiya eDubai.
Ugatsha olubona ngokutshutshiswa kwamacala olweNational Prosecuting Authority of Zimbabwe lwethule umbiko lusazisa uzulu ukuthi uRushwaya uhle wavalelwa esitokisini njalo uzaphenduka emthethwandaba mhlaka 10 kulinyaka ukuzephiwa isigwebo sakhe.
Forum