Iziphathamandla zebutho lakwele Israel zazise NgoMgqibelo ukuthi indizamtshina zazo zebutho ziphosele amabhomba emilindini ecatshe abeqembu lebutho ele hamas lakwele palestine kanye lezindlu ezakhelwe ebhalweni zabesi palestina ezingenyakatho yesiqintini segaza.
Abebutho lakwele Israel bathi bathethe leli nyathelo ngoba befuna baphange ukunqoba abebutho eleHamas, abayibo ababa loqalo ngokubahlasela abakwenzileyo emavikini amathathu edluleyo.
Lokhu sokusitsho ukuthi lindawo kayisefinyelelwa luncedo lokudla lwemithi okumele yabelwe abantu makhaza inengi labo kungabesifazana labantwana.
Ukulwisana phakathi kwamacele womabili sokuphazamise imisebenzi eminengi eGaza, egoqela ukutshabalaliswa kwemitshina yokuhambisa imibiko yamagagase emisakazo eyeradio, ekamabonakude leyencingo zikamakhalekhukhwini.
Kunje eGaza kulabantu abanakanelwa ukuba ngabedlula izigidi ezimbili-2.3 million, abangesenelisi ukukhulumisana lezihlobo labangane emhlabeni jikelele. Ele Israel lithi lizake lime kancane ukuwlisan engceleni wele Egypt ukuze livulele ithuba lokungena kwezimotha ezinkulu ezithwele usizo lokudla, amanzi, imithi lezembatho.
Isikhulumeli sesigodlo sikaMongameli weleMelika esewhite ahouse, umnumzana John Kirby, uthi ilizwe lakhe lisekela ele Israel kulempi leqembu ele Hamas, lona elibonwa ngeleMelika njenge qembu lamalwecatsha esiMoslem abedlulisa amalawulo kumbe ama terrorist.
I Studio 7 ibe lethuba lokuxoxa loNkosazana Nozipho Zypo Moyo, ingcwethi elwela amalungelo abesifazana, ongumqondisi wenhlanganiso eye Africa Kiburi. U MaMoyo uthi kuqakathekile ukuthi amacele alwisanayo acabangisise ngokutshabalalisa umpefumulo yabantu makhaza abangahlomanga ikakhulu omama labantwana.
“Kumele abeIsrael labeqembu leHamas bahlale phansi baqakathekise impilo zabantu makhaza bengakhangeli ukuthi ngubani oloqalo njalo kunqotshwa bani, ngoba abasibo abalwisanayo abafayo kodwa a=omama labantwana abangela cala” kutsho uMaMoyo.
Forum