Uhlangothi lwezokulima eZimbabwe selukhuthaze ukuthi imiswe impi ephakathi kweIsrael leHamas esibulalise abantu abanengi.
Uhlangothi lolu luthi impi le izaphazamisa ukusebenzelana phakathi kwalo le-Israel ebiphathisa ngemitshina yokulima kuthelezelwa kanye lolwazi lwezokulima kukhangelwa kakhulu endaweni ezingani izulu elinengi.
Ekhuluma leStudio7 Umqondisi wenhlanganiso ebona ngezokulima eye agricultural, Technical and Extension Services (AGRITEX) esabelweni seMatabeleland North umnu Dumisani Nyoni uthi impi le ilakho ukubangela ukukhwela kwentengo yemitshina yokulimisa lokunye obekuthengwa e-Israel njalo iphazamisa inhlelo zokufundiswa kwabalimi beZimbabwe yileli lizwe.
Israel iqhubekele phambili ibhomba iGaza Strip ubusuku bonke ngesikhathi isithi amabutho e-Israel alakho ukungena kulindawo ekhokhelwa libutho leHamas.
I-Israel ngoLwesihlanu ithe ihlela ukukhupha abantu abahlala edolobheni le Kiryat Shmona. Abantu laba bazakuba bezaphiwa indawo zokuhlala ezibhadalwa nguhulumende. Idolobho leKiryat Shmona liseduze lomngcele we-Israel leLebanon lapho okube lokubhonjwa okunengi libutho lePalestine.
Abantu be-Israel abedlula inkulungwane lamakhulu amane kanye labantu abazinkulungwane ezintathu lamakhulu amane sebebulewe kulimpi.
Forum