Esigabeni sabadabuka eZimbabwe asebehlala kwamanye amazwe, kuliviki iStudio 7 ibe lethuba lokuxoxa loNkosazana Sikhululekile Bhoboza Sibanda. U-MaSibanda yinzalo yasePlumtree osewathuthela esigodlweni seMelika iWashington DC.
UNkosazana Bhoboza uthi lanxa wabuya eMelika ukuzosebenza lokuhlala khona akazange akhohlwe ngokwekhaya. Kungaleso sizatho wacina ephuma lomcabango wokusungula isikolo, asipha igama lokuthi yiBeacon Hill Primary School, esise Plumtree, esabelweni seMatebeleland South.
Ebuzwa ukuthi wayithathaphi imali yokwakha lokusungula lesi sikolo? Yena uthi: “Ngathi ngiqalisa ukwakha, ngangisebenza imisebenzi emithathu, ukuba ngumongi, ngisebenza kuLeasing Office kanye lokukhangela abantwana.”
Okwamfuqhayo ukuthi asungule lesi sikolo esaqala kuyicreche oseyikusikolo esifika esibangeni sikaGrade 5, uMaSibanda uthi, luthando lwabantwana, ngoba yena ngokwakhe uphuma emulini enkulu eyesithenjini ngakhoke uyabathanda abantwana. Yena ngokwakhe ulabantwana abayisithupha ecinela ngamawele.
Forum