UMnangagwa Uthi Abazatshengisela Phezu Kokhetho Bazabotshwa Bajikelwe Emajele

UMongameli Emmerson Mnangagwa uthi abamabandla aphikisayo abangaba beqoqa ukutshengisela ezitaladeni phezu kwempumela yokhetho bazabanjwa ngengalo yomthetho elukhuni bajikelwe emajele, wona athi akalabantu.

UMnangagwa wethule amazwi la eseBuhera North, eManicaland ngoLwesine, emhlanganweni awenze labasekeli bebandla lakhe leZanu PF ngemva kokuvula umgodi weSabi Star Lithium Mine ngokusemthethweni .

Uthe wanqoba kuhle ngendlela ecacileyo kukhetho lolu lanxa nje amaqula amanengi, agoqela eleSadc leleAfrican Union esithi ukhetho aluqhutshwanga kuhle.

"Ngixwayisa noma ngubani ofuna ukudala ingxabangxoza, sikulungele ukubhekana lakho. Ofuna ukwenza inkulumo elenzondo uzakwetheswa icala, amajele ethu awagcwalanga," kutsho uMnangagwa.

"Labo abafuna ukuphikisa, abakwenze ngokuthula. Ungaba yisigilamkhuba sizakulimaza."

Amazwi kaMnangagwa akhanya eqondiswe kubandla leCCC, lona elithi selisungula uhlelo lokugqugquzela ukuthi kwenziwe ukhetho olutsha ngoba umkhokheli walo uMnu Nelson Chamisa waqilibezelwa.

Echothoza iCCC kanye lalabo abasola ukunqoba kwakhe, uMnangagwa uthe kasoze aswele ubuthongo ngenxa yomsindo athi ubangwa ngokungabafanyana.

Ingcwethi kwezombusazwe uDr. Shephered Mpofu, ofundisa ezokwethulwa kwemibiko eUniversity of South Africa (UNISA) uthi amazwi kaMnangagwa akalungelanga ukwethulwa ngumuntu othi nguye onqobe kukhetho olomlandu wokuhlanganisa isizwe.

Embed share

Ingxoxo loDr. Shepherd Mpofu

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:34 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala