Inkulungwane leNkulungwane Zabantu Bavalelisana loNkosikazi Zodwa Dabengwa Ongcwatshwe eNtabazinduna

NTAMBAZINDUNA -- UNkosikazi Zodwa Khumalo - Dabengwa, umkakhe weqawe lesizwe umuyi uMnu Dumiso Dabengwa, obhubhele eNgilande ngenyanga edluleyo kaNhlangula, ubekiwe NgoMgqibelo, eMaNxeleni, eNtabazinduna phansi kukaNduna uMtshana Khumalo ngemva kwenkonzo yokumvalelisa, eyenzelwe eAmphitheter koBulawayo ekuseni.

lnkulungwane lenkulungwane zabantu bezithe gwaqa enkonzweni koBulawayo, laseNtabazinduna bezovalelisana leqhawekazi labo, uMaKhumalo olaliswe eceleni komkakhe umuyi umnumzana Dumiso Dabengwa.

Inkokheli zamabandla ahlukeneyo labo baveze ukulahlekelwa okukhulu kwesizwe ngemfa kaNkosikazi Dabengwa. Lokhu kufakazwe ngumphathintambo wedolobho lakoBulawayo uNkosikazi Judith Ncube, owebandla eleZanu PF.

Embed share

Umpathintambo obona ngoBulawayo uResident Minister Judith Ncube emngwabeni kaNkosikazi Zodwa Dabengwa

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:38 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala

Inkokheli yamabandla aphikisayo ambalwa ibi khona emthandazweni owenzelwe ko Bulawayo andubana ayengcwatshwa eManxeleni. Linkokheli igoqela eye Zapu elalikhokhelwa ngumkakhe, eleMRP, eleCCC limelwe ngumkhokheli walo uMnu Nelson Chamisa, abemuli yakoDabengwa leyakoKhumalo, UNduna Mtshana Khumalo labanye.

UMaKhumalo owayezelwe ngomnyaka ka1947, ubhubhele eNgilandi mhlaka 15 Nhlangula ngemva kokukhulelwa ngumkhuhlane owemvukuzane alwisane lawo okwesikhathi eside. Utshiye abantwana abahlanu labazukulu abathathu.

Izikhulumi ezinengi emngcwabeni wakhe zilandise ngokulwela izwe kwakhe eseZambia waphenduka ekhaya kodwa ukubotshwa komkakhe labanye kwamhlukuluza njalo usisebenzele isizwe ngothando langokuzehlisa.