HARARE -- UMongameli Emmerson Mnangagwa ukhuthaza abohlangothi lwabesifazana olwe Women’s League be ZANU PF ukuba bakhankasele ibandla labo ukuba lithole usekelo ngoba belenani eliphezulu elizweni.
IZANU PF ifuna bakhitshwe kuluhlu lwababhalise ukungena kukhetho lwalonyaka amalunga alitshumi lanhlanu afuna ukuncintisa emele iCCC ko Bulawayo isithi baphuza ukuhambisa amabizo abo edale leNomination Court.
Ekhuluma emhlangagweni wabesifazana beZANU PF owe Women’s League National Assembly, uMnangagwa uthe ibandla lakhe liyaqhubeka lidinga usekelo kubo mama elizweni lonke, ngoba kungela ngenye indlela ibandla lakhe elinga phumelela ngayo kungela sizo oluvela kubo mama.
“Omama bonke abo gatsha Women’s league bayakhuthazwa ukuba baqhubeke bedingela usekelo kubandla lethu lokuba basekele inkululeko yethu lozibuse esilaye namhlanje”
UMnangagwa uthethe ithuba leli ukwenzela amhlophe abazamela ibandla leli esithi kumele bakhankase ngamandla ukuze banqobe kukhetho.
I-ZANU PF ithi izakweza isicelo emthethwandaba sokuba abafuna ukuncintisa ezikhundleni zedale lephalamende, abe CCC abalitshumi lanhlanu ko Bulawayo bengavunyelwa ukuncintisa ngoba baphuza ukuhambisa amabizo abo edale le nomination court, lisithi bafika edale sekwedlule ihola lesine emini yantambama njengalokho okusemthethweni.
Kodwa abe CCC bona bathi lokhu kuveza sobala ukuba iZANU PF iyesaba ukumisana lebandla leli kukhetho.
Lokhu kutshiwo ngu msekeli wesikhulumi seCCC uMnu Felix Mafa.
“Iqiniso yikuthi iZANU isiphelelwe ngumphako. Umthetho ucacile ukuba amaphepha angena ngo 4pm, kungaze kutholakale okunye kungalunganga. Yibo ababengalungelanga, asizihluphi”
Kunje uzulu lokhu emelele ngamehlo abomvu uluhlu lwamabizo alabo abazancintisa kukhetho ukuba ethulwe ngabekomishini elawula ezokhetho eye Zimbabwe Electoral Commmission.
Omunye walabo abazancintisa emele ibandla le DUZ uMnu Kudakwashe Zulu uthi uselindele ukuba amabizo aphume.
“Ngikhangele ukuthi igama lami liphume. Sokumele sincintise khathesi sazi ukuba ukhetho lwethu luyaphuma lunjani”
IZEC bekumele yethule lolu luhlu lwamabizo alabo abazancintisa kukhetho lwalonyaka namhlanje lingakapheli ilanga lanamhlanje phakathi kwamabili ngo12am kuthi indawo zokuvotela zizaqala ukwaziswa uzulu ngeviki ezayo.
Ele Zimbabwe liqhuba ukhetho olukhulu lwelizwe lokudinga amakhansila, amalunga edale lephalamende kanye lomongameli welizwe mhlaka 23 Ncwabakazi.
Forum